సినిమా పైరసీ కేసులో నిందితుడికి బెయిల్ మంజూరు

సినిమాల పైరసీ కేసులో 95 రోజులుగా జైలులో ఉన్న ఇమ్మడి రవికి షరతులతో కూడిన బెయిల్ మంజూరైంది. దీంతో అతను బుధవారం చంచల్ గూడ జైలు నుంచి విడుదలయ్యాడు. న్యాయస్థానం విధించిన షరతులను పాటించడంలో విఫలమైతే చట్టపరమైన చర్యలు తప్పవని పోలీసులు హెచ్చరించారు.

95 రోజులుగా జైలులో రిమాండ్ ఖైదీగా ఉన్న ఇమ్మడి రవికి మంగళవారం కోర్టు షరతులతో కూడిన బెయిల్ మంజూరు చేసింది. దీంతో బుధవారం అతను చంచల్ గూడ జైలు నుంచి విడుదలయ్యాడు.

ఇమ్మడి రవిపై మొత్తం సైబర్ నేరాల కింద ఐదు కేసులు ఉన్నాయని, పోలీసుల విచారణకు సహకరించాలని న్యాయవాది తెలిపారు. బెయిల్ షరతులను ఉల్లంఘిస్తే చట్టపరమైన చర్యలు తీసుకుంటామని పోలీసులు హెచ్చరించారు.