దేశంలోని ప్రముఖ ప్రైవేటు రంగ బ్యాంకుల్లో ఒకటైన హెచ్డీఎఫ్సీ బ్యాంకులో కీలక వ్యాపార సమాచారం బయటకు వెళ్లినట్లు అంతర్గత విచారణలో తేలింది. ఇద్దరు సీనియర్ అధికారులు రహస్య వ్యాపార వ్యూహాలు, మార్కెట్పై ప్రభావం చూపగల సమాచారాన్ని బయటి వ్యక్తులతో పంచుకున్నారని బ్లూమ్బెర్గ్ నివేదిక పేర్కొంది. ఈ వ్యవహారంపై బ్యాంకు అంతర్గత సమీక్ష కొనసాగుతోంది.
బ్యాంకులోని కొందరు ఉన్నతాధికారులు రహస్య సమాచారం బయటకు వెళ్తోందనే అనుమానాలు వ్యక్తం చేయడంతో అంతర్గత దర్యాప్తు ప్రారంభమైంది. విచారణలో ఇద్దరు సీనియర్ అధికారులను గుర్తించినట్లు, వారు బ్యాంకులో కీలక వ్యాపార విభాగాలు, విధులకు సంబంధించిన బాధ్యతలు నిర్వహిస్తున్నట్లు సమాచారం.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
వారి ద్వారా బయటకు వెళ్లినట్లు భావిస్తున్న సమాచారం వ్యాపార వ్యూహాలు, మార్కెట్పై ప్రభావం చూపే అవకాశమున్న వివరాలకు సంబంధించినదిగా పేర్కొన్నారు. అయితే, ఆ సమాచారాన్ని ఎవరైనా దుర్వినియోగం చేశారా దాని వల్ల బ్యాంకుకు లేదా మార్కెట్లోని ఇతర వర్గాలకు ఎలాంటి ప్రభావం ఏర్పడిందా అనే అంశాలపై పరిశీలన కొనసాగుతోంది.
