దేశీయ స్టాక్ మార్కెట్లు గురువారం భారీ లాభాలతో ముగిశాయి. అమెరికా ఫెడరల్ రిజర్వ్ వడ్డీ రేట్లను యథాతథంగా కొనసాగించడం, ముడి చమురు ధరలు స్వల్పంగా తగ్గడం, సంస్థాగత పెట్టుబడిదారుల కొనుగోళ్లు మార్కెట్కు మద్దతుగా నిలిచాయి. దీంతో గత కొన్ని సెషన్లలో ఒత్తిడిని ఎదుర్కొన్న సూచీలు తిరిగి పుంజుకున్నాయి.
బీఎస్ఈ సెన్సెక్స్ 905.01 పాయింట్లు (1.24 శాతం) పెరిగి 74,151.04 వద్ద ముగిసింది. ఎన్ఎస్ఈ నిఫ్టీ 50 సూచీ 237.90 పాయింట్లు (1.05 శాతం) లాభంతో 22,936.75 వద్ద స్థిరపడింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఫెడ్ నిర్ణయంతో మెరుగుపడిన సెంటిమెంట్
అమెరికా ఫెడరల్ రిజర్వ్ వడ్డీ రేట్లను 3.754 శాతం పరిధిలోనే కొనసాగించాలని నిర్ణయించింది. ఈ పరిణామం అంతర్జాతీయ మార్కెట్లలో పెట్టుబడిదారుల ఆందోళనలను కొంత తగ్గించింది. ముడి చమురు ధరలు స్వల్పంగా తగ్గడం, దేశీయ సంస్థాగత పెట్టుబడిదారుల మద్దతు కూడా కొనుగోళ్లకు దోహదపడ్డాయి.
