నాగవల్లి ఎక్స్ప్రెస్లో 6 కిలోల గంజాయి స్వాధీనం, నిందితుల కోసం గాలింపు

కామారెడ్డిలో నాగవల్లి ఎక్స్ప్రెస్లో అక్రమంగా తరలిస్తున్న 6 కిలోల ఎండు గంజాయిని ఎక్సైజ్ అధికారులు స్వాధీనం చేసుకున్నారు. ఉమ్మడి నిజామాబాద్ జిల్లా ప్రొహిబిషన్ అండ్ ఎక్సైజ్ డిప్యూటీ కమిషనర్ శ్రీధర్, కామారెడ్డి జిల్లా మధ్యనిషేధ, ఎక్సైజ్ అధికారి ముకుందరెడ్డి ఆదేశాల మేరకు ఈ తనిఖీలు జరిగాయి.

కామారెడ్డి ఎక్సైజ్ స్టేషన్ సిబ్బంది, జిల్లా టాస్క్ఫోర్స్ సిబ్బంది, రైల్వే పోలీసుల సహకారంతో మంగళవారం రైలులో తనిఖీలు నిర్వహించారు. సంబల్పూర్ నుంచి నాందేడ్ వెళ్తున్న నాగవల్లి ఎక్స్ప్రెస్లో గంజాయి తరలిస్తున్నట్లు అందిన నమ్మదగిన సమాచారంతో సంయుక్తంగా తనిఖీలు చేపట్టారు.

6 కిలోల గంజాయి లభ్యం

ఈ తనిఖీల్లో భాగంగా 6 కిలోల ఎండు గంజాయి లభ్యమైందని అధికారులు తెలిపారు. అయితే, గంజాయిని తరలిస్తున్న నిందితులు మాత్రం పట్టుబడలేదు. వారి ఆచూకీని కనుగొనేందుకు గాలింపు చర్యలు కొనసాగుతున్నాయని కామారెడ్డి ఎక్సైజ్ సీఐ సంపత్ కృష్ణ వెల్లడించారు.

తనిఖీల్లో పాల్గొన్న బృందం

ఈ దాడుల్లో ఎక్సైజ్ సీఐ సంపత్ కృష్ణ, డీటీఎఫ్ సీఐ సుందల్ సింగ్, ఎస్సైలు విక్రమ్కుమార్, శ్రీనివాసరావు, శరత్కుమార్, ట్రైనీ ఎస్సైలు అనిల్, మధు, సిబ్బంది జాన్, ఫరీద్, అమృత్రెడ్డి, శంకర్, పవన్, నర్సింలు, శరత్, దినేష్, రాజు, రాజు తదితరులు పాల్గొన్నారు.