ఆరోగ్య విశ్వవిద్యాలయంలో 'ఐ లవ్ డా. ఎన్టీఆర్ యూహెచ్ఎస్' సెల్ఫీ పాయింట్…

ఈ సందర్భంగా వైస్ ఛాన్సలర్ డా. పి. చంద్రశేఖర్ మాట్లాడుతూ, డాక్టర్ ఎన్టీఆర్ ఆరోగ్య విశ్వవిద్యాలయం విద్య, వైద్యం, పరిశోధన రంగాల్లో దేశవ్యాప్తంగా విశిష్ట గుర్తింపు పొందిందని తెలిపారు. ఈ సెల్ఫీ పాయింట్ విశ్వవిద్యాలయ ప్రతిష్ఠను మరింత ఇనుమడింపజేస్తుందనే ఉద్దేశ్యంతో దీనిని ఆవిష్కరించినట్లు చెప్పారు. విద్యార్థులు, అధ్యాపకులు, పూర్వ విద్యార్థులు, సందర్శకులు విశ్వవిద్యాలయంతో తమ అనుబంధాన్ని చిరస్మరణీయంగా నిలుపుకునేందుకు ఈ సెల్ఫీ పాయింట్‌ను ఏర్పాటు చేసినట్లు ఆయన వివరించారు. విశ్వవిద్యాలయ గుర్తింపును మరింత పెంపొందించడంతో పాటు, సంస్థ పట్ల ఆత్మీయతను, గర్వాన్ని ప్రతిబింబించేలా దీనిని రూపొందించినట్లు పేర్కొన్నారు.

అనంతరం విశ్వవిద్యాలయ అధికారులు, అధ్యాపకులు, సిబ్బంది కలిసి సెల్ఫీ పాయింట్ వద్ద ఫొటోలు దిగుతూ ఆనందం వ్యక్తం చేశారు. ఈ కార్యక్రమంలో విశ్వవిద్యాలయ రిజిస్ట్రార్, డీన్లు, అధ్యాపకులు, అధికారులు, సిబ్బంది తదితరులు పాల్గొన్నారు.