ప్రముఖ తమిళ దర్శకుడు పా. రంజిత్ తెరకెక్కిస్తున్న భారీ యాక్షన్ చిత్రం వెట్టువం 2027 సంక్రాంతికి ప్రపంచవ్యాప్తంగా విడుదల కానుంది. హీరో ఆర్య, శోభిత ధూళిపాళ కీలక పాత్రల్లో నటిస్తున్న ఈ సినిమా కొత్త పోస్టర్ను చిత్రబృందం విడుదల చేసింది.
ప్రముఖ తమిళ దర్శకుడు పా. రంజిత్ తెరకెక్కిస్తున్న భారీ యాక్షన్ చిత్రం వెట్టువం విడుదల తేదీ ఖరారైంది. 2027 సంక్రాంతి సందర్భంగా ఈ సినిమాను ప్రపంచవ్యాప్తంగా థియేటర్లలో విడుదల చేయనున్నట్లు చిత్రబృందం ప్రకటించింది. ఈ సందర్భంగా కొత్త పోస్టర్ను కూడా విడుదల చేసింది. హీరో ఆర్య ప్రధాన పాత్రలో నటిస్తున్న ఈ సినిమాలో శోభిత ధూళిపాళ, కలైయరసన్ తదితరులు కీలక పాత్రలు పోషిస్తున్నారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
భూమి ఆధిపత్యం కోసం పోరాటాలు
గతంలో జరిగిన సంఘర్షణల ప్రభావం ప్రస్తుత సమాజంపై ఎలా ఉంటుందనే అంశాలతో ఈ సినిమా కథనం సాగనుంది. వివిధ వర్గాల మధ్య భూమి ఆధిపత్యం కోసం జరిగే పోరాటాలు, అధికారాన్ని దక్కించుకునేందుకు సాగే ఘర్షణలు ప్రధానంగా ఉండనున్నాయి. భారీ యాక్షన్ సన్నివేశాలతో పాటు సామాజిక అంశాలను కూడా దర్శకుడు ఇందులో చూపించనున్నారు.
సంప్రదాయ యుద్ధకళలతో యాక్షన్ సన్నివేశాలు
ఈ సినిమాలో తమిళ సంప్రదాయ యుద్ధకళ అయిన అడిమురైతో పాటు మల్లఖంబ్ క్రీడకు సంబంధించిన సన్నివేశాలను ప్రత్యేకంగా రూపొందించారు. వీటి కోసం ప్రధాన నటీనటులు ప్రత్యేక శిక్షణ తీసుకున్నారు. శారీరకంగా సవాలుతో కూడిన పోరాట సన్నివేశాలు ప్రేక్షకులకు కొత్త అనుభూతిని అందించేలా చిత్రీకరించినట్లు చిత్రబృందం వెల్లడించింది.