ప్రముఖ బాలీవుడ్ నటుడు నానా పటేకర్ కుటుంబ జీవితం గురించి బయట ప్రచారంలో ఉన్న అభిప్రాయాలపై ఆయన కుమారుడు మల్హార్ పటేకర్ స్పందించారు. తన తల్లిదండ్రులు చాలా కాలంగా వేర్వేరుగా నివసిస్తున్నప్పటికీ, కుటుంబ సభ్యుల మధ్య ప్రేమ, అనుబంధం ఎప్పుడూ కొనసాగాయని స్పష్టం చేశారు. సామాజిక మాధ్యమాల్లో కుటుంబ ఫొటోలు పంచుకోనంత మాత్రాన తమ మధ్య ఆప్యాయత లేదని భావించడం సరికాదని పేర్కొన్నారు.
నానా పటేకర్, ఆయన భార్య నీలకాంతి పటేకర్ 1978లో వివాహం చేసుకున్నారు. అయితే కొన్నేళ్లుగా ఇద్దరూ వేర్వేరుగా నివసిస్తున్నారు. ఈ నేపథ్యంలో వారి వైవాహిక జీవితం గురించి పలు చర్చలు సాగాయి. తాజాగా మల్హార్ స్పందిస్తూ, తమ కుటుంబం గురించి బయటివారు అనుకునే విషయాలకు, వాస్తవ పరిస్థితులకు తేడా ఉంటుందని వివరించారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
చిన్నతనం నుంచి తల్లిదండ్రుల నుంచి ధైర్యం, కష్టాలను ఎదుర్కొనే మనోబలం నేర్చుకున్నానని మల్హార్ తెలిపారు. కుటుంబ సభ్యులు, బంధువుల నుంచి తనకు ఎప్పుడూ ప్రేమ లభించిందని చెప్పారు. కుటుంబంలో భావోద్వేగ అనుబంధం బలంగా ఉందని పేర్కొన్నారు. సామాజిక మాధ్యమాల్లో కుటుంబ సభ్యులు కలిసి ఉన్న చిత్రాలను ప్రచురించకపోవడం వారి మధ్య ప్రేమ లేదనే అర్థం కాదని స్పష్టం చేశారు.
