ఫ్రాన్స్లో ప్రభుత్వ వ్యతిరేక నిరసనలు హింసాత్మకంగా మారడంతో రాజధాని పారిస్లోని రెండు కీలక ప్రాంతాల్లో పోలీసులు రాత్రిపూట కర్ఫ్యూ విధించారు. వారాంతంలో జరిగిన అల్లర్లు, దుకాణాల ధ్వంసం, దోపిడీల నేపథ్యంలో ప్రజల భద్రతను కాపాడేందుకు ఈ చర్యలు చేపట్టారు.
జీవన వ్యయం పెరుగుదల, పాఠశాలల్లో పరిస్థితులపై అసంతృప్తితో మొదలైన నిరసనలు పలు ప్రాంతాల్లో హింసకు దారితీశాయి. పారిస్లోని ప్లాస్ ద లా రిపబ్లిక్, లెస్ హాల్స్ ప్రాంతాల్లో రాత్రి 11 గంటల నుంచి మరుసటి రోజు ఉదయం 6 గంటల వరకు కర్ఫ్యూ అమలు చేశారు. ఈ సమయంలో ఆయా ప్రాంతాల్లోకి ప్రవేశించడం లేదా అక్కడ ఉండటాన్ని నిషేధించారు. అంతేకాకుండా రాత్రి 8 గంటల నుంచి నిర్దిష్ట ప్రాంతాల్లో సమావేశాలు, ప్రదర్శనలపైనా ఆంక్షలు విధించారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఆంక్షలు
ప్లాస్ ద లా రిపబ్లిక్ ప్రాంతంలో గత శనివారం ఘర్షణలు చోటుచేసుకోగా, లెస్ హాల్స్ వాణిజ్య ప్రాంతంలో దుకాణాలు దోపిడీకి గురయ్యాయి. ప్రజలు, ఆస్తుల రక్షణ కోసమే ఈ నిర్ణయం తీసుకున్నట్లు పారిస్ పోలీసులు తెలిపారు.
