కేంద్ర ప్రధాన ఎన్నికల కమిషనర్ జ్ఞానేశ్ కుమార్ పై లంచం ఆరోపణలు మరోసారి తెరపైకి వచ్చాయి. ఆయన కేరళలో ప్రజాపనుల శాఖ కార్యదర్శిగా పనిచేసిన సమయంలో కాంట్రాక్టర్ల నుంచి లంచం డిమాండ్ చేశారనే ఆరోపణలపై రాష్ట్ర ప్రభుత్వం తాజాగా విజిలెన్స్ విచారణకు ఆదేశించింది. కాంట్రాక్టర్ సాజన్ ఇచ్చిన ఫిర్యాదు ఆధారంగా ఈ చర్య తీసుకున్నారు.
కేంద్ర ప్రధాన ఎన్నికల కమిషనర్ జ్ఞానేశ్ కుమార్ పై లంచం ఆరోపణలు మరోసారి చర్చనీయాంశంగా మారాయి. ఆయన కేరళలో ప్రజాపనుల శాఖ కార్యదర్శిగా పనిచేసిన సమయంలో కాంట్రాక్టర్ల నుంచి లంచం డిమాండ్ చేశారనే ఆరోపణలపై రాష్ట్ర ప్రభుత్వం తాజాగా విజిలెన్స్ విచారణకు ఆదేశించింది. ఈ మేరకు కేరళ హోంశాఖ, విజిలెన్స్ అండ్ యాంటీ కరప్షన్ బ్యూరోను ప్రాథమిక విచారణ చేపట్టాలని ఆదేశించింది. కాంట్రాక్టర్ సాజన్ ఇచ్చిన తాజా ఫిర్యాదు ఆధారంగా ఈ చర్య తీసుకున్నారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
రూ.2 కోట్ల లంచం డిమాండ్ చేశారనే ఆరోపణ
2006లో కేరళలో చేపట్టిన రహదారి నిర్మాణ పనులకు సంబంధించిన బిల్లుల చెల్లింపుల కోసం జ్ఞానేశ్ కుమార్ రూ.2 కోట్లు లంచంగా అడిగారని కాంట్రాక్టర్ సాజన్ తన ఫిర్యాదులో పేర్కొన్నారు. మలేషియాకు చెందిన పాటి-బెల్ సంస్థ, కేరళ స్టేట్ ట్రాన్స్పోర్ట్ ప్రాజెక్ట్ కింద రహదారి అభివృద్ధి పనులు చేపట్టింది. ఈ ప్రాజెక్టులో మలేషియా ఇంజినీర్ లీ సీ బీన్ ప్రాజెక్ట్ మేనేజర్గా పనిచేశారు.
పూర్తయిన పనులకు సంబంధించి సుమారు రూ.17 కోట్ల బిల్లులు పెండింగ్లో ఉన్నాయని, ఇంజినీర్లు ఆమోదించినప్పటికీ వాటి చెల్లింపులకు సంబంధించిన చెక్కులు విడుదల కాలేదని సాజన్ ఆరోపించారు. లంచం చెల్లించకపోవడంతోనే చెల్లింపులు నిలిపివేశారని లీ తనకు చెప్పినట్లు ఫిర్యాదులో వెల్లడించారు. అయితే ఇవన్నీ ఫిర్యాదుదారుడు చేసిన ఆరోపణలు మాత్రమేనని గమనించాలి.