ప్రపంచంలో సంపన్న దేశాలుగా ఎదిగినంత మాత్రాన అక్కడి ప్రజల జీవన ప్రమాణాలు, సంతోషం కూడా పెరుగుతాయని చెప్పలేమని మద్రాస్ స్కూల్ ఆఫ్ ఎకనామిక్స్ ప్రొఫెసర్ సౌమిత్ర భదురి పేర్కొన్నారు. స్థూల దేశీయోత్పత్తి (జీడీపీ), తలసరి ఆదాయం వంటి గణాంకాలు దేశ ఆర్థిక వృద్ధిని తెలియజేస్తాయి కానీ, ప్రజల నిజమైన జీవన ప్రమాణాలను పూర్తిగా వెల్లడించవు.
సాపియన్ ల్యాబ్స్ 2025 గ్లోబల్ మైండ్ హెల్త్ నివేదిక ప్రకారం, 89 దేశాల్లో 25 లక్షల మందికి పైగా వ్యక్తుల వివరాలను విశ్లేషించారు. ప్రపంచవ్యాప్తంగా 1834 ఏళ్ల వయసున్న వారిలో 41 శాతం మంది మానసిక ఆరోగ్య సమస్యలతో ఇబ్బంది పడుతున్నట్లు నివేదిక వెల్లడించింది. 55 ఏళ్లు పైబడిన వారిలో ఈ శాతం 12గా ఉంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
భారత్లో యువత మానసిక ఆరోగ్య పరిస్థితి కూడా ఆందోళనకరంగా ఉంది. భారత యువత మైండ్ హెల్త్ కోటియంట్ స్కోరు 33గా నమోదైంది, ఇది ప్రపంచ సగటు 41 కంటే తక్కువ. దేశంలోని 1834 ఏళ్ల యువతలో 42.6 శాతం మంది మానసిక ఒత్తిడి లేదా ఇబ్బందులను ఎదుర్కొంటున్నట్లు నివేదిక పేర్కొంది.
ఆర్థికంగా అభివృద్ధి చెందిన కొన్ని దేశాల్లోనూ యువత మానసిక ఆరోగ్య పరిస్థితి ఆశించిన స్థాయిలో లేదని ఈ అధ్యయనం సూచిస్తోంది. జపాన్, తైవాన్, హాంకాంగ్, బ్రిటన్ వంటి ప్రాంతాల్లో యువత మైండ్ హెల్త్ స్కోర్లు తక్కువగా ఉండటం దీనికి ఉదాహరణ. మరోవైపు సబ్ సహారా ఆఫ్రికా ప్రాంతంలోని కొన్ని దేశాలు మెరుగైన స్థానాల్లో నిలిచాయి. ఆర్థిక సంపద ఒక్కటే మానవ సంక్షేమానికి కొలమానం కాదనే విషయం దీని ద్వారా స్పష్టమవుతోంది.