కడపలో సస్పెండ్ కానిస్టేబుల్ విల్ఫ్రేడ్ వీరంగం.. ఇంటిపై రాళ్లతో దాడి

వై.ఎస్.ఆర్ కడప, 10 November

కడప నగరంలో సస్పెన్షన్కు గురైన కానిస్టేబుల్ విల్ఫ్రేడ్ మరోసారి వీరంగం సృష్టించాడు. హౌసింగ్ బోర్డ్ కాలనీలో సంపత్ అనే వ్యక్తి ఇంటిపై రాళ్ళతో దాడి చేశాడు. ఈ దాడిలో ఇంటి కిటికీ అద్దాలు ధ్వంసమయ్యాయి. బాధితులు డీఎస్పీకి ఫిర్యాదు చేసినట్లు తెలిసింది.

కడప కమాండ్ అండ్ కంట్రోల్లో ఉన్న సమయంలో సస్పెన్షన్కు గురైన కానిస్టేబుల్ విల్ఫ్రేడ్ గతంలో ప్రకాష్ నగర్తో పాటు పలు ప్రాంతాల్లో ఇలానే అనేక ఇళ్లపై దాడికి పాల్పడినట్లు తెలుస్తోంది.

కొద్ది రోజుల క్రితం రిమ్స్లో నమోదైన కేసులో రిమాండ్ నుంచి బయటకు వచ్చిన విల్ఫ్రేడ్ మళ్లీ ఇదే తరహా దాడికి పాల్పడటం కలకలం రేపుతోంది.

మానసికంగా ఇబ్బందులు పడుతున్నట్లు అతని స్నేహితులు తెలిపారు. కావాలనే తమను లక్ష్యంగా చేసుకుని తమ ఇళ్లపై దాడి చేస్తున్నారని సంపత్ కుటుంబం ఆవేదన వ్యక్తం చేస్తోంది.