పశ్చిమాసియాలో కొనసాగుతున్న సంఘర్షణలు, హార్ముజ్ జలసంధి వద్ద రవాణాకు ఎదురవుతున్న అంతరాయాలు ప్రపంచ ఇంధన మార్కెట్లపై ప్రభావం చూపుతున్నాయని కేంద్ర పెట్రోలియం, సహజ వాయువుల శాఖ మంత్రి హర్దీప్ సింగ్ పూరి పేర్కొన్నారు. అంతర్జాతీయ చమురు, ద్రవీకృత సహజ వాయువు (ఎల్ఎన్జీ), వంటగ్యాస్ (ఎల్పీజీ) మార్కెట్ల పరిస్థితులపై ఆయన ఇంధన రంగ నిపుణుడు ఫెరీదూన్ ఫెషరాకీతో చర్చించారు.
ఈ వివరాలను న సామాజిక మాధ్యమం ఎక్స్లో పంచుకున్నారు. ఉత్తర, దక్షిణ అమెరికా దేశాల్లో ముడి చమురు ఉత్పత్తి రికార్డు స్థాయికి చేరుతోందని పూరి తెలిపారు. కొత్త ఉత్పత్తి కేంద్రాలు ఏర్పడుతున్నప్పటికీ, ప్రపంచంలోని అనేక ప్రాంతాల్లో ఇంధన డిమాండ్ వృద్ధి మందకొడిగా ఉందని వివరించారు. అయితే, భారత్ ఇందుకు భిన్నంగా ఉందని, ప్రపంచంలో చమురు డిమాండ్ పెరుగుదలకు అత్యంత వేగంగా, పెద్ద మొత్తంలో తోడ్పడుతున్న దేశంగా నిలుస్తోందని పేర్కొన్నారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
హార్ముజ్ జలసంధిపై ప్రపంచ దేశాల దృష్టి
పశ్చిమాసియాలో సంఘర్షణలు, హార్ముజ్ జలసంధి పరిసరాల్లో రవాణాకు ఎదురవుతున్న సమస్యలు అంతర్జాతీయ ఇంధన మార్కెట్లలో అనిశ్చితిని పెంచుతున్నాయని మంత్రి తెలిపారు. ఈ పరిణామాలు ప్రపంచవ్యాప్తంగా ఇంధన ధరల పెరుగుదలకు దోహదం చేస్తున్నాయని పేర్కొన్నారు. హార్ముజ్ జలసంధి ప్రపంచ చమురు, గ్యాస్ రవాణాలో అత్యంత కీలకమైన మార్గం. ఈ ప్రాంతంలో సరఫరా లేదా నౌకాయానానికి అంతరాయం ఏర్పడితే, దిగుమతులపై ఆధారపడే దేశాలకు రవాణా ఖర్చులు, ఇంధన సరఫరా విషయంలో సవాళ్లు ఎదురయ్యే అవకాశం ఉంటుంది.
