హైదరాబాద్లో పేద మహిళలను డబ్బు ఆశ చూపించి అండాలు సేకరిస్తున్నారనే ఆరోపణలపై తెలంగాణ మహిళా కమిషన్ ఐదు ఫెర్టిలిటీ, ఐవీఎఫ్ కేంద్రాలకు నోటీసులు జారీ చేసింది. ఈ వ్యవహారంలో 43 మంది మహిళలను పోలీసులు రక్షించారు.
హైదరాబాద్లో పేద మహిళలను డబ్బు ఆశ చూపించి అండాలు () సేకరిస్తున్నారనే ఆరోపణలు కలకలం రేపుతున్నాయి. ఈ వ్యవహారంపై తెలంగాణ మహిళా కమిషన్ ఐదు ఫెర్టిలిటీ, ఐవీఎఫ్ కేంద్రాలకు నోటీసులు జారీ చేసింది. ఆయా కేంద్రాల ప్రతినిధులను విచారించి వివరణలు, రికార్డులు సేకరించింది. అయితే, ప్రధాన యాజమాన్య ప్రతినిధులు స్వయంగా హాజరుకాకుండా సిబ్బందిని పంపడంపై కమిషన్ అసంతృప్తి వ్యక్తం చేసినట్లు సమాచారం.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
43 మంది మహిళల రక్షణ
హైదరాబాద్లో పోలీసులు నిర్వహించిన దాడుల్లో 43 మంది మహిళలను రక్షించారు. ఇతర రాష్ట్రాల నుంచి వచ్చిన ఆర్థికంగా బలహీనమైన మహిళలకు అండాల దానం పేరుతో ఒక్కో సైకిల్కు రూ.20 వేల నుంచి రూ.30 వేల వరకు ఇస్తామని ఆశ చూపినట్లు ఆరోపణలు ఉన్నాయి. ఈ అండాలను సేకరించి ఫెర్టిలిటీ కేంద్రాలకు అధిక ధరలకు సరఫరా చేస్తున్నారనే కోణంలో పోలీసులు దర్యాప్తు చేస్తున్నారు.
ఐదు కేంద్రాలకు నోటీసులు జారీ
మహిళా కమిషన్ విచారణకు పిలిచిన కేంద్రాల్లో ఇండిరా ఐవీఎఫ్, నర్మద ఫెర్టిలిటీ, ఒయాసిస్ ఫెర్టిలిటీ, సద్గురు ఏఆర్టీ సెంటర్, పద్మజ ఫెర్టిలిటీ సెంటర్ ఉన్నాయి. ఈ కేంద్రాల ప్రతినిధులు తమ వివరణలతో పాటు అండాల సేకరణ ప్రక్రియకు సంబంధించిన రికార్డులను సమర్పించినట్లు అధికారులు తెలిపారు.