హైదరాబాద్ పశ్చిమ ప్రాంతంలో ట్రాఫిక్ సమస్యలకు చెక్ పెట్టేందుకు రూ.308 కోట్ల భారీ మౌలిక సదుపాయాల ప్రాజెక్టు సిద్ధమవుతోంది. లింగంపల్లి రైల్వే స్టేషన్ సమీపంలో నాలుగు వరుసల స్టీల్ రోడ్ ఓవర్ బ్రిడ్జి () నిర్మాణానికి అధికారులు ప్రణాళిక రూపొందించారు. ఈ వంతెన గుల్మోహర్ జంక్షన్ నుంచి జంక్షన్ వరకు సుమారు 2 కిలోమీటర్ల మేర నిర్మించనున్నారు.
ఈ ప్రాజెక్టుతో తెల్లాపూర్, నల్లగండ్ల, గచ్చిబౌలి, హైటెక్ సిటీ ప్రాంతాలకు రాకపోకలు సాగించే ప్రయాణికులకు ప్రయోజనం కలగనుంది. ప్రస్తుతం లింగంపల్లి రైల్వే స్టేషన్ సమీపంలోని అండర్పాస్లో వర్షాలు కురిసినప్పుడు నీరు నిలిచిపోవడంతో వాహనదారులు తీవ్ర ఇబ్బందులు ఎదుర్కొంటున్నారు. ముఖ్యంగా రద్దీ సమయాల్లో రైల్వే ట్రాక్ దాటేందుకు అదనంగా 15 నుంచి 20 నిమిషాల సమయం పడుతోంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
నిర్మాణ ప్రతిపాదన
ఈ సమస్యను పరిష్కరించేందుకు సైబరాబాద్ మున్సిపల్ కార్పొరేషన్ (), రైల్వే అధికారులు కలిసి స్టీల్ వంతెన నిర్మాణాన్ని ప్రతిపాదించారు. సంప్రదాయ కాంక్రీట్ నిర్మాణానికి బదులుగా స్టీల్ సూపర్స్ట్రక్చర్ను ఎంచుకోవడం వల్ల నిర్మాణ సమయంలో రైళ్ల రాకపోకలకు, స్థానిక ట్రాఫిక్కు అంతరాయం తగ్గుతుందని భావిస్తున్నారు.
తారానగర్ సమీపంలోని రహదారిని కూడా ప్రస్తుత 60/80 అడుగుల వెడల్పు నుంచి 100 అడుగులకు విస్తరించే ప్రణాళిక ఉంది. ఈ ప్రాజెక్టును రెండేళ్లలో పూర్తి చేయాలని అధికారులు లక్ష్యంగా పెట్టుకున్నట్లు సమాచారం. నిర్మాణం పూర్తయితే ఐటీ కారిడార్లో ప్రయాణించే వేలాది మందికి ట్రాఫిక్ కష్టాలు తగ్గే అవకాశం ఉంది.