విద్యాసంస్థల్లో ర్యాగింగ్, వేధింపులను అరికట్టడంతో పాటు విద్యార్థుల భద్రతకు ప్రాధాన్యం ఇచ్చేలా కేరళ ప్రభుత్వం కీలక కార్యక్రమాలను ప్రారంభించింది. విద్యార్థులు తమ సమస్యలను గుర్తింపు వెల్లడించకుండానే అధికారులకు తెలియజేసేందుకు ప్రత్యేక మొబైల్ యాప్ను అందుబాటులోకి తీసుకొచ్చింది.
రాష్ట్రవ్యాప్తంగా 300 సైన్స్ కేంద్రాలను ఏర్పాటు చేసి సుమారు 15 లక్షల మంది యువతలో శాస్త్రీయ ఆలోచనా విధానాన్ని పెంపొందించాలని లక్ష్యంగా పెట్టుకుంది. సిద్ధార్థ్ స్టూడెంట్ వెల్ఫేర్ యాప్ పేరుతో రూపొందించిన ఈ యాప్ ద్వారా విద్యార్థులు ర్యాగింగ్, క్యాంపస్లో వేధింపులు, ఇతర సమస్యలపై రహస్యంగా ఫిర్యాదు చేయవచ్చు. అవసరమైతే ఆడియో రూపంలోనూ తమ ఫిర్యాదులను పంపే సదుపాయం కల్పించారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
భద్రతకు సంబంధించిన సమస్యలపై సంబంధిత అధికారులకు సమాచారం చేరేలా వ్యవస్థను రూపొందించినట్లు కేరళ ఉన్నత విద్యాశాఖ మంత్రి రోజీ ఎం. జాన్ వెల్లడించారు. 2020లో వయనాడ్లోని పూకోడ్ వెటర్నరీ కళాశాలలో చదువుతున్న 20 ఏళ్ల విద్యార్థి జె.ఎస్. సిద్ధార్థన్ ర్యాగింగ్ ఆరోపణల నేపథ్యంలో మరణించిన ఘటన దేశవ్యాప్తంగా చర్చనీయాంశమైంది. విద్యార్థుల సంక్షేమం కోసం రూపొందించిన ఈ యాప్కు ఆయన పేరును పెట్టారు.
