బాలీవుడ్ నటుడు టైగర్ ష్రాఫ్పై జరిగిన కాల్పుల ఘటనకు సంబంధించి ముంబై క్రైమ్ బ్రాంచ్ పోలీసులు కీలక పరిణామం చోటుచేసుకుంది. హర్యానాలోని సోనిపట్లో 12వ నిందితుడైన అమన్ను అరెస్ట్ చేసి, ముంబైకి తరలించి విచారణ చేపట్టారు.
పోలీసుల దర్యాప్తులో అమన్కు ఇప్పటికే అరెస్టయిన నిందితుడు కునాల్తో సన్నిహిత సంబంధాలు ఉన్నట్లు గుర్తించారు. కేసులో కీలకంగా భావిస్తున్న అనుమానితుడు అనిల్ పండిట్ నుంచి అమన్ బ్యాంకు ఖాతాలోకి డబ్బులు వచ్చినట్లు పోలీసులు గుర్తించారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఆర్థిక లావాదేవీల కోణం
ఆ డబ్బును అమన్ తన ఖాతా నుంచి తీసి కునాల్కు ఇచ్చినట్లు పోలీసులు అనుమానిస్తున్నారు. ఈ మొత్తాన్ని కాల్పులకు ఉపయోగించిన ఆయుధం కొనుగోలుకు వినియోగించారా అనే కోణంలో దర్యాప్తు చేస్తున్నారు. ఈ అరెస్ట్తో కేసులో నిందితుల సంఖ్య 12కు చేరింది.
ఘటన వివరాలు
ముంబైలోని జుహూ ప్రాంతంలో ఓ ఫుట్బాల్ క్లబ్ నుంచి టైగర్ ష్రాఫ్ బయటకు వస్తున్న సమయంలో ఆయన కారుపై దుండగులు కాల్పులు జరిపారు. ఈ ఘటనలో నటుడు సురక్షితంగా బయటపడినప్పటికీ, ఆయన డ్రైవర్తో పాటు మరో వ్యక్తికి బుల్లెట్ గాయాలయ్యాయి. ఈ ఘటనలో పాల్గొన్నట్లు ఆరోపణలు ఎదుర్కొంటున్న షూటర్లు, వారికి సహకరించిన వ్యక్తులను పోలీసులు ఇప్పటికే అరెస్ట్ చేశారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి