ఇసుక తవ్వకాలు ఆపండి: గ్రామ ప్రజల ఆందోళన - సంతకాల సేకరణ

యల్లనూరు

మండలం మల్లగుండ్ల గ్రామంలో ఇసుక రీచ్ ఏర్పాటుపై అధికారులు ప్రజాభిప్రాయ సేకరణ చేపట్టారు. ఈ సందర్భంగా మాజీ మంత్రి డా. సాకే శైలజానాథ్ గ్రామ ప్రజలకు మద్దతుగా నిలిచి, ఇసుక తవ్వకాలు వద్దంటూ సంతకాల సేకరణకు పిలుపునిచ్చారు. దీనివల్ల తాగునీటి సమస్యలు పెరుగుతాయని ఆందోళన వ్యక్తం చేశారు.

మండలం మల్లగుండ్ల గ్రామంలో ఇసుక రీచ్ ఏర్పాటుపై పర్యావరణ ప్రజాభిప్రాయ సేకరణ కార్యక్రమాన్ని అధికారులు ఏర్పాటు చేశారు. ఈ సందర్భంగా గ్రామ ప్రజలకు మద్దతుగా నిలిచిన మాజీ మంత్రి, శింగనమల నియోజకవర్గ సమన్వయకర్త డా. సాకే శైలజానాథ్ గారు, ఇసుక తవ్వకాలు వద్దంటూ గ్రామాల ప్రజల సంతకాల సేకరణకు పిలుపునిచ్చారు.

ఇప్పటికే శింగనమల నియోజకవర్గంలో ఇసుక మాఫియా ఎక్కువైందంటూ ఆయన మండిపడ్డారు. ఇసుక రీచ్లో తవ్వకాలు చేయడం వల్ల పలు గ్రామాల్లో సాగు, తాగునీటి సమస్యలు మరింత పెరుగుతాయని ఆందోళన వ్యక్తం చేశారు. ప్రజాభిప్రాయాలను సేకరించకుండానే ఇసుక తవ్వకాలు ఎలా ఏర్పాటు చేస్తారంటూ అధికారులపై ఆగ్రహం వ్యక్తం చేశారు.

ప్రజాభిప్రాయానికి వ్యతిరేకంగా ఇసుక తవ్వకాలు జరిపితే, గ్రామాల ప్రజల కోసం ఎంతవరకైనా వైయస్ఆర్సీపీ అండగా ఉంటుందని మాజీ మంత్రి డాక్టర్ సాకే శైలజానాథ్ గారు తెలిపారు. ఇసుక తవ్వకాలు వద్దంటూ ప్రజల నుంచి సంతకాల సేకరణ చేసి, సంబంధిత అధికారులకు అందజేశారు.