రాజంపేట, 2024-06-25
రాజంపేట పట్టణంలో అసాంఘిక శక్తుల కదలికలు, ట్రాఫిక్ నిబంధనల ఉల్లంఘనలపై పోలీసు శాఖ డ్రోన్ కెమెరాల ద్వారా ప్రత్యేక నిఘా చేపట్టింది. జిల్లా ఎస్పీ షెల్కే నచికేత్ విశ్వనాథ్ ఐపీఎస్ ఆదేశాల మేరకు ఈ చర్యలు చేపట్టారు. మైనర్లు, నిర్లక్ష్యంగా డ్రైవింగ్ చేసేవారిపై దృష్టి సారించారు.
జిల్లా ఎస్పీ షెల్కే నచికేత్ విశ్వనాథ్ ఐపీఎస్ ఆదేశాల మేరకు, రాజంపేట పట్టణ పరిధిలో అసాంఘిక శక్తుల కదలికలపై, ట్రాఫిక్ నిబంధనలు ఉల్లంఘిస్తున్న వారిపై పోలీసు శాఖ ఆధ్వర్యంలో డ్రోన్ కెమెరాల ద్వారా ప్రత్యేక నిఘా ఏర్పాటు చేశారు.
ముఖ్యంగా మైనర్లు, నిర్లక్ష్యంగా డ్రైవింగ్ చేస్తూ ఇతరులను భయభ్రాంతులకు గురిచేస్తున్న వాహనదారులపై డ్రోన్ కెమెరాల నిఘా కొనసాగుతోంది. ట్రాఫిక్ ఉల్లంఘనలకు పాల్పడిన వారిపై చట్టపరమైన చర్యలు తీసుకుంటూ, ఈ-చలాన్లు విధించడంతో పాటు కౌన్సిలింగ్, కేసులు నమోదు చేస్తున్నారు.
ప్రజల భద్రత దృష్ట్యా ఎటువంటి అసాంఘిక కార్యక్రమాలు జరగకుండా నిరంతరం పర్యవేక్షణ కొనసాగిస్తున్నారు. ప్రజలు, యువత ట్రాఫిక్ నిబంధనలు పాటించి పోలీస్ శాఖకు సహకరించాలని రాజంపేట టౌన్ ఎస్.ఐ వెంకటేష్ కోరారు.
