కడప టూ టౌన్ పోలీస్ స్టేషన్ ను తనకీ చేసిన జిల్లా ఎస్పీ

మున్సిపల్ కార్పొరేషన్ ఎన్నికల నేపథ్యంలో జరగనున్న అభ్యర్థుల ప్రచారం ప్రశాంతంగా జరిగేలా, తగిన ముందస్తు ప్రణాళికతో చర్యలు తీసుకోవాలని ఎస్పీ ఆదేశించారు. ఎన్నికల కోడ్ అమల్లో ఉన్నందున ఎలాంటి అవాంఛనీయ ఘటనలు జరగకుండా గట్టి నిఘా ఉంచాలని సూచించారు. సమస్యాత్మక ప్రాంతాల్లో ప్రత్యేక బందోబస్తు ఏర్పాటు చేయాలని చెప్పారు.

ఉరుసు ఉత్సవాల భద్రతా ఏర్పాట్లు

అలాగే, కడప పెద్ద దర్గా ఉరుసు ఉత్సవాల నేపథ్యంలో కూడా గట్టి బందోబస్తు ఏర్పాటు చేయాలని ఆదేశించారు. పెద్ద ఎత్తున భక్తులు తరలివచ్చే అవకాశం ఉన్నందున, ట్రాఫిక్, భద్రతా ఏర్పాట్లను పకడ్బందీగా నిర్వహించాలని సూచించారు. రాత్రి పూట గస్తీ, తనిఖీలు ముమ్మరం చేయాలని ఆదేశించారు.

రౌడీ షీటర్లకు కౌన్సిలింగ్

రౌడీ షీటర్లను స్టేషన్ కు పిలిచి కౌన్సిలింగ్ ఇవ్వాలని టూ టౌన్ సీఐ శ్రీహరిని ఎస్పీ ఆదేశించారు. నేర చరిత్ర కలిగిన వారి కదలికలపై నిఘా ఉంచాలని, ఎన్నికల సమయంలో ఎలాంటి గొడవలకు పాల్పడకుండా చూడాలని స్పష్టం చేశారు.

ఎస్పీ వెంట కడప డీఎస్పీ శ్రీమతి టి. భవాని, టూ టౌన్ సీఐ శ్రీహరి, ఎస్ఐలు కొండారెడ్డి, మధుసూదన్ రెడ్డితో పాటు ఇతర సిబ్బంది ఉన్నారు.