బాలీవుడ్ నటుడు టైగర్ ష్రాఫ్ కారుపై కాల్పులు జరిపిన కేసులో ముగ్గురు అనుమానితులను రాజస్థాన్లోని కోటా పోలీసులు అరెస్ట్ చేశారు. వీరు లారెన్స్ బిష్ణోయ్ ముఠాతో సంబంధాలు కలిగి ఉన్నారని, పోలీసుల నుంచి తప్పించుకుని నేపాల్కు పారిపోయేందుకు ప్రణాళిక రచించినట్లు ప్రాథమిక దర్యాప్తులో తేలింది.
ముంబై పోలీసుల నుంచి అందిన సమాచారంతో రాజస్థాన్ యాంటీ గ్యాంగ్స్టర్ టాస్క్ఫోర్స్, కోటా నగర పోలీసులు సంయుక్తంగా ఈ అరెస్టులు చేపట్టారు. నిందితులు పుణెజైపూర్ ఎక్స్ప్రెస్ రైలులో ప్రయాణిస్తున్నప్పుడు వారిని కోటా రైల్వే స్టేషన్ వద్ద అదుపులోకి తీసుకున్నారు. ఢిల్లీకి చేరుకుని అక్కడి నుంచి నేపాల్కు పారిపోవాలని వారు భావించినట్లు దర్యాప్తు అధికారులు అనుమానిస్తున్నారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
అరెస్టయిన వారిలో ఇద్దరు కాల్పులకు పాల్పడినట్లు, మూడో వ్యక్తి వారి ప్రయాణానికి, తప్పించుకునేందుకు సహకరించినట్లు పోలీసులు భావిస్తున్నారు. వారి వద్ద నుంచి తుపాకులు స్వాధీనం చేసుకున్నట్లు సమాచారం లేదని అధికారులు తెలిపారు. నిందితులను తదుపరి విచారణ కోసం ముంబై పోలీసులకు అప్పగించే ప్రక్రియ జరుగుతోంది.
