సివిల్ సర్వీసెస్ ఉచిత శిక్షణ: అన్నమయ్య జిల్లా అభ్యర్థులకు అవకాశం

ఎంపికైన అభ్యర్థులకు విజయవాడ గొల్లపూడిలోని బీసీ స్టడీ సర్కిల్ ద్వారా 16.11.2026 నుంచి ఉచిత శిక్షణ అందిస్తారు. శిక్షణతో పాటు స్టడీ మెటీరియల్, భోజన, వసతి సౌకర్యాలు కూడా కల్పిస్తారు.

శిక్షణకు దరఖాస్తు చేసుకునే అభ్యర్థులు తమ బయోడేటాతో పాటు 10వ తరగతి, డిగ్రీ మార్కుల జాబితాలు, కుల ధృవీకరణ పత్రం, తల్లిదండ్రుల వార్షిక ఆదాయం రూ.లక్ష లోపు ఉన్నట్లు తెలిపే తాజా ఆదాయ ధృవీకరణ పత్రం, ఆధార్, బ్యాంకు పాస్ బుక్ జిరాక్స్ కాపీలు, రెండు పాస్ పోర్ట్ సైజు ఫోటోలు జతచేయాలని కోరారు.

మరిన్ని వివరాలకు 7989819470 నంబర్ లో సంప్రదించాలని జిల్లా బీసీ సంక్షేమ అధికారి తేజస్విని సూచించారు. అర్హులైన నిరుపేద విద్యార్థులు ఈ అవకాశాన్ని సద్వినియోగం చేసుకోవాలని ఆమె పిలుపునిచ్చారు.