కామారెడ్డిలో యంగ్ ఇండియా పాఠశాల ఏర్పాటు చేయాలి: టిఎన్ఎస్ఎఫ్

సాంకేతిక విద్యాసంస్థల కొరత

సాంకేతిక విద్యాసంస్థలు లేకపోవడంతో ఇప్పటికే కామారెడ్డి వెనుకబడిపోయిందని డాక్టర్ బాలు ఆవేదన వ్యక్తం చేశారు. ఏటీసీ సెంటర్ను కూడా భిక్కనూరులో కాకుండా కామారెడ్డిలో ఏర్పాటు చేస్తే జిల్లా వ్యాప్తంగా ఉన్న విద్యార్థులందరికీ ఉపయోగపడుతుందని ఆయన అభిప్రాయపడ్డారు. తెలంగాణ రాష్ట్ర ప్రభుత్వ సలహాదారు షబ్బీర్ అలీ ఈ విషయాన్ని గమనించి, జిల్లా కేంద్రంలోనే విద్యాసంస్థల ఏర్పాటుకు చర్యలు తీసుకోవాలని కోరారు.

కాలుష్య భయాలు

భిక్కనూరు మండలంలో ఫార్మా కంపెనీల వల్ల అనేక గ్రామాల ప్రజలు ఎన్నో ఇబ్బందులు ఎదుర్కొంటున్నారని, రాబోయే రోజుల్లో తాగే నీరు, పీల్చే గాలి, భూములు కాలుష్యానికి గురై ప్రజలు గ్రామాలను విడిచి వెళ్ళే పరిస్థితులు ఏర్పడతాయని ఆయన హెచ్చరించారు. వీటన్నిటినీ దృష్టిలో ఉంచుకుని, కామారెడ్డి జిల్లా కేంద్రంలోని అన్ని రకాల సదుపాయాలున్న డిగ్రీ కళాశాల భూములలో విద్యాసంస్థలను ఏర్పాటు చేస్తే, కామారెడ్డి జిల్లా కేంద్రం అభివృద్ధి చెందడంతో పాటు విద్యార్థులకు న్యాయం జరుగుతుందని తెలిపారు.

గత హామీలపై విమర్శలు

గత ముఖ్యమంత్రి కేసీఆర్ కామారెడ్డి పర్యటనలో విద్యాసంస్థలను ఏర్పాటు చేస్తానని, డిగ్రీ కళాశాల భూములలో విద్యాసంస్థలను ఏర్పాటు చేస్తానని హామీ ఇచ్చి మోసం చేశారని డాక్టర్ బాలు ఆరోపించారు. కాంగ్రెస్ పార్టీ అధికారంలోకి వచ్చిన నేపథ్యంలో, ఇప్పటికైనా ఈ భూములలో విద్యాసంస్థల ఏర్పాటుకు చర్యలు తీసుకోవాలని ఆయన డిమాండ్ చేశారు.