అక్రమ కోచింగ్ సెంటర్లపై LSO ఆగ్రహం: చర్యలకు డిమాండ్

విద్యా హక్కు చట్టాన్ని ఉల్లంఘిస్తూ విద్యను వ్యాపారంగా మార్చుతున్నారని, మధ్యప్రదేశ్, కర్ణాటక, మహారాష్ట్ర వంటి రాష్ట్రాల నుండి విద్యార్థులను ఆకర్షించి, వారి దగ్గర అధిక మొత్తంలో ఫీజులు వసూలు చేస్తున్నారని ప్రకాష్ నాయక్ విమర్శించారు. విద్యార్థుల అడ్మిషన్లు వేరే పాఠశాలల్లో ఉన్నప్పటికీ, కోచింగ్ పేరుతో వారిని బలిచేస్తున్నారని ఆయన అన్నారు.

అధికారులు వెంటనే విద్యా హక్కు చట్టాన్ని అమలులోకి తీసుకుని, అక్రమాలకు పాల్పడుతున్న పాఠశాలలు, కోచింగ్ సెంటర్లపై కఠిన చర్యలు తీసుకోవాలని LSO తరపున డిమాండ్ చేస్తున్నామని తెలిపారు. ఇప్పటికైనా విద్యా అధికారులు మేల్కొని చర్యలు తీసుకోకపోతే, విద్యాశాఖ కార్యాలయాలను ముట్టడిస్తామని హెచ్చరించారు.

ఈ కార్యక్రమంలో బాన్సువాడ పట్టణ అధ్యక్షుడు జైపాల్ రెడ్డి, అజయ్, రమేష్, మోహన్, రవి, అర్జున్ ముదిరాజ్, నాయకులు పాల్గొన్నారు.