*👉 (డాక్సిన్ టైమ్స్) జూలై 27
నశ్రుల్లాబాద్ SRNK ప్రభుత్వ డిగ్రీ కళాశాలలో ప్రేమలు-మోసాలు, మైనర్ డ్రైవింగ్, మాదక ద్రవ్యాలు, సైబర్ నేరాలు, మైనర్లపై జరిగే నేరాలు, తీసుకోవాల్సిన జాగ్రత్తలపై పోలీసులు అవగాహన కల్పించారు. కామారెడ్డి జిల్లా ఎస్పీ రాజేష్ చంద్ర ఆదేశాల మేరకు, నశ్రుల్లాబాద్ సబ్-ఇన్స్పెక్టర్ రాఘవేంద్ర ఆధ్వర్యంలో ఈ కార్యక్రమం జరిగింది.
SRNK ప్రభుత్వ డిగ్రీ కళాశాల నశ్రుల్లాబాద్ లో ప్రేమలు-మోసాలు, మైనర్ డ్రైవింగ్, మాదక ద్రవ్యాల నిర్మూలన, సైబర్ నేరాలు, మైనర్లపై జరిగే నేరాలు, తీసుకోవాల్సిన జాగ్రత్తలు, వివిధ సామాజిక అంశాలపై గౌరవనీయులు కామారెడ్డి జిల్లా సూపరిండెంట్ ఆఫ్ పోలీస్ శ్రీ.ఎం.రాజేష్ చంద్ర ఐపీయస్ గారి ఆదేశానుసారం, గౌరవ నశ్రుల్లాబాద్ సబ్-ఇన్స్పెక్టర్ శ్రీ.పి.రాఘవేంద్ర గారి ఆధ్వర్యంలో పోలీస్ కళాబృందం అవగాహనా కార్యక్రమం నిర్వహించింది.
ఈ సందర్భంగా సైబర్ నేరాల టోల్ ఫ్రీ నంబర్ 1930, మాదక ద్రవ్యాల టోల్ ఫ్రీ నంబర్ 1908, షి టీమ్ నంబర్ 8712686094, అత్యవసర సమయంలో డయల్ 100/112 కు కాల్ చేయాలని సూచించారు. ఇన్స్టాగ్రామ్, ఫేస్బుక్, సోషల్ మీడియాతో జాగ్రత్తగా ఉండాలని, మంచి లక్ష్యంతో చదువుకోవాలని, చిన్న పొరపాటు చేసినా జీవితాలు నాశనం అవుతాయని హెచ్చరించారు.
తల్లిదండ్రులు, అధ్యాపకులు చెప్పినట్లు వినాలని, ఎవరినీ నమ్మి మోసపోవద్దని పోలీసులు సూచించారు. పోలీస్ కళాబృందం ఇన్చార్జి హెడ్ కానిస్టేబుల్ రామంచ తిరుపతి, హెడ్ కానిస్టేబుల్ యు.శేషరావు, పిసిలు ప్రభాకర్, సాయిలు పాటలు, మాటల ద్వారా ఈ కార్యక్రమాన్ని నిర్వహించారు.
