తెలంగాణలో యువ సినీ ప్రతిభను ప్రోత్సహించే లక్ష్యంతో నిర్వహిస్తున్న బతుకమ్మ యంగ్ ఫిల్మ్ మేకర్స్ ఛాలెంజ్-2026 అవార్డుల ప్రదానోత్సవానికి ముఖ్యమంత్రి ఎ. రేవంత్ రెడ్డిని ఆహ్వానించారు. తెలంగాణ ఫిల్మ్ డెవలప్మెంట్ కార్పొరేషన్ (టీజీఎఫ్డీసీ) చైర్మన్, ప్రముఖ నిర్మాత దిల్ రాజు ముఖ్యమంత్రిని కలిసి కార్యక్రమానికి హాజరుకావాలని కోరారు.
ఈ సందర్భంగా ముఖ్యమంత్రిని సినీ దర్శకుడు హరీష్ శంకర్, తెలంగాణ మీడియా అకాడమీ చైర్మన్ కె. శ్రీనివాస్ రెడ్డి, సంగీత దర్శకుడు చరణ్ అర్జున్, గాయకుడు నల్గొండ గద్దర్ తదితరులు కలిశారు. అవార్డుల ప్రదానోత్సవానికి సంబంధించిన వివరాలను ముఖ్యమంత్రికి తెలియజేసి, కార్యక్రమానికి ఆహ్వానించినట్లు సమాచారం.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
శనివారం శిల్పకళా వేదికలో అవార్డుల ప్రదానోత్సవం
బతుకమ్మ యంగ్ ఫిల్మ్ మేకర్స్ ఛాలెంజ్-2026 అవార్డుల ప్రదానోత్సవాన్ని శనివారం హైదరాబాద్లోని శిల్పకళా వేదికలో నిర్వహించనున్నారు. ఈ కార్యక్రమం ద్వారా యువ చిత్రనిర్మాతలు, కొత్త కథలు, వినూత్న ఆలోచనలకు ప్రోత్సాహం లభించనుంది.
