విజయ్ దేవరకొండ, రష్మిక మందన్న జంటగా నటించిన రణబాలి సినిమా విడుదలైంది. తొలి రోజు ప్రేక్షకుల నుంచి వస్తున్న సోషల్ మీడియా స్పందన మిశ్రమంగా ఉంది. విజయ్ నటన, రష్మికతో కెమిస్ట్రీకి ప్రశంసలు వస్తుండగా, కథనం నెమ్మదిగా సాగడంపై కొందరు అసంతృప్తి వ్యక్తం చేస్తున్నారు.
విజయ్ దేవరకొండ, రష్మిక మందన్న జంటగా నటించిన రణబాలి సినిమా 2016లో థియేటర్లలో విడుదలైంది. దర్శకుడు రాహుల్ సాంకృత్యాన్ తెరకెక్కించిన ఈ పీరియడ్ యాక్షన్ డ్రామాపై విడుదలకు ముందు భారీ అంచనాలు ఏర్పడ్డాయి. అయితే, తొలి రోజు ప్రేక్షకుల నుంచి వస్తున్న సోషల్ మీడియా స్పందన మిశ్రమంగా ఉంది. విజయ్ నటన, రష్మికతో కెమిస్ట్రీకి ప్రశంసలు వస్తుండగా, కథనం నెమ్మదిగా సాగడం, రెండో భాగం ఆశించిన స్థాయిలో లేకపోవడంపై కొందరు అసంతృప్తి వ్యక్తం చేస్తున్నారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
రణబాలి పాత్రలో విజయ్ చూపించిన తీవ్రత, స్క్రీన్ ప్రెజెన్స్, యాక్షన్ సన్నివేశాలు కొందరు ప్రేక్షకులను ఆకట్టుకున్నాయి. సినిమా మొత్తంలో విజయ్ నటననే ప్రధాన ఆకర్షణగా నిలిచిందని పలువురు అభిప్రాయపడుతున్నారు. జయమ్మ పాత్రలో రష్మిక నటన, విజయ్తో ఆమె కెమిస్ట్రీకి ప్రశంసలు లభిస్తున్నాయి. వీరిద్దరి మధ్య వచ్చే భావోద్వేగ సన్నివేశాలు ప్రేక్షకుల దృష్టిని ఆకర్షించాయి. బ్రిటిష్ పాలన కాలంలో జరిగిన దోపిడీ, ప్రజల కష్టాలను చూపించే సన్నివేశాలు, కొన్ని శక్తివంతమైన డైలాగులు ప్రేక్షకుల్లో ఆసక్తిని రేకెత్తించాయి. అయితే, సినిమా మొదటి భాగం నెమ్మదిగా సాగుతోందని, రెండో భాగంలో కూడా కథనం వేగం పుంజుకోలేదని కొందరు ప్రేక్షకులు అభిప్రాయపడ్డారు. బ్రిటిష్ సన్నివేశాల చిత్రీకరణ, క్లైమాక్స్ నిడివిపై కూడా విమర్శలు వచ్చాయి.
