మన శరీరంలో జీర్ణవ్యవస్థ కేవలం ఆహారాన్ని జీర్ణం చేయడమే కాకుండా, మానసిక స్థితిని కూడా ప్రభావితం చేస్తుంది. ఆందోళన, ఒత్తిడి వంటివి కడుపులో అలజడిని కలిగిస్తే, జీర్ణ సమస్యలు మానసిక అసౌకర్యాన్ని పెంచుతాయి. ఈ మెదడు-పేగుల అనుసంధానాన్ని గట్బ్రెయిన్ యాక్సిస్ అంటారు.
మెదడు, జీర్ణవ్యవస్థ నాడీ వ్యవస్థ, హార్మోన్లు, రోగనిరోధక వ్యవస్థల ద్వారా నిరంతరం సమాచారాన్ని పంచుకుంటాయి. వాగస్ నాడి ఈ ప్రక్రియలో కీలక పాత్ర పోషిస్తుంది. పేగుల కదలికల సమాచారం మెదడుకు చేరడంతో పాటు, ఒత్తిడి వంటి భావోద్వేగాలు జీర్ణవ్యవస్థ పనితీరును ప్రభావితం చేస్తాయి. దీనివల్ల కొంతమందిలో కడుపునొప్పి, విరేచనాలు, మలబద్ధకం, వికారం వంటి సమస్యలు తలెత్తుతాయి. దీర్ఘకాలిక జీర్ణ సమస్యలు మానసిక ఒత్తిడిని మరింత పెంచుతాయి.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
పేగుల్లోని సూక్ష్మజీవుల పాత్ర
మన పేగుల్లో నివసించే బ్యాక్టీరియా సహా సూక్ష్మజీవుల సమూహాన్ని గట్ మైక్రోబయోమ్ అంటారు. ఇవి ఆహార జీర్ణక్రియ, పోషకాల లభ్యత, రోగనిరోధక వ్యవస్థ పనితీరులో ముఖ్య పాత్ర పోషిస్తాయి. అంతేకాకుండా, ఇవి ఉత్పత్తి చేసే రసాయన సంకేతాలు మెదడుతో సమాచార మార్పిడిని ప్రభావితం చేస్తాయి. గట్ మైక్రోబయోమ్లో అసమతుల్యత జీర్ణ సమస్యలతో పాటు మానసిక స్థితిపై ప్రభావం చూపవచ్చని పరిశోధనలు సూచిస్తున్నాయి. అయితే, బ్యాక్టీరియా మార్పులే నేరుగా ఆందోళన, నిరాశకు కారణమవుతాయని నిర్ధారించడానికి మరింత పరిశోధన అవసరం.
