పాకిస్థాన్లో తీవ్ర గ్యాస్ కొరత, వంటగ్యాస్ () ధరల పెరుగుదలతో ప్రజలు ఇబ్బందులు పడుతున్నారు. చలికాలం సమీపిస్తుండటంతో రావల్పిండిలోని కుటుంబాలు కట్టెలు, బొగ్గు, కిరోసిన్ వంటి సంప్రదాయ ఇంధనాలతో వంట చేసుకునే పరిస్థితి ఏర్పడింది. సహజ వాయువు రోజుకు కేవలం ఆరు గంటలే అందుబాటులో ఉంటోంది.
రావల్పిండిలో గ్యాస్ సరఫరా రోజుకు మూడు విడతల్లో, ఒక్కోసారి రెండు గంటల చొప్పున మాత్రమే అందుతోంది. రాత్రి 9 గంటల నుంచి తెల్లవారుజామున సహర్ సమయం వరకు గ్యాస్ సరఫరా నిలిచిపోతున్నట్లు స్థానికులు చెబుతున్నారు. దీంతో ఇళ్లలోనే కాకుండా చిన్న హోటళ్లు, బేకరీలు, రోడ్డు పక్కన ఉండే ఆహార విక్రయ కేంద్రాలు కూడా కట్టెలు, బొగ్గును వినియోగిస్తున్నాయి.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఇంధన ధరల పెరుగుదల
ప్రస్తుతం రావల్పిండిలో ఇంధన ధరలు గణనీయంగా పెరిగాయి. బొగ్గు క్వింటాల్కు (మౌండ్) 800 నుంచి 1,000 పాకిస్థానీ రూపాయలు, ఎండిన కట్టెలు మౌండ్కు 1,500 నుంచి 1,800 రూపాయలు, సాధారణ కట్టెలు మౌండ్కు 1,300 నుంచి 1,400 రూపాయలు, చెక్క పొట్టు (సాడస్ట్) మౌండ్కు 700 రూపాయలుగా ఉన్నాయి. గ్యాస్ కొరత కారణంగా కట్టెలకు డిమాండ్ పెరగడంతో ప్రభుత్వ, ప్రైవేటు అడవుల నుంచి కలప దొంగతనాలు కూడా పెరుగుతున్నట్లు నివేదికలు పేర్కొంటున్నాయి.
