దేశంలో డిజిటల్ చెల్లింపుల వినియోగం గణనీయంగా పెరుగుతోంది. భారతీయ కుటుంబాల్లో దాదాపు సగం (45.6 శాతం) మంది కనీసం ఒక వినియోగ వస్తువు లేదా సేవ కొనుగోలు కోసం డిజిటల్ చెల్లింపులను ఉపయోగిస్తున్నారని ఎస్బీఐ నివేదిక వెల్లడించింది. యూపీఐ, మొబైల్ బ్యాంకింగ్, డెబిట్, క్రెడిట్ కార్డులు ప్రజల దైనందిన జీవితంలో భాగమయ్యాయి.
చిన్న మొత్తాల చెల్లింపులు, కిరాణా సరుకులు, ప్రయాణం, ఆహారం, ఇంధనం వంటి అవసరాల కోసం డిజిటల్ విధానాలను వినియోగించే వారి సంఖ్య పెరుగుతోంది. ఈ ట్రెండ్ ప్రజల కొనుగోలు అలవాట్లలో మార్పును సూచిస్తోంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
నగదు, డిజిటల్ చెల్లింపులు రెండింటికీ ప్రాధాన్యం
డిజిటల్ చెల్లింపులు పెరుగుతున్నప్పటికీ, దేశంలో నగదు వినియోగం పూర్తిగా తగ్గిపోలేదు. గ్రామీణ, పట్టణ ప్రాంతాల్లో ప్రజలు తమ అవసరాలను బట్టి నగదు, డిజిటల్ చెల్లింపులు రెండింటినీ ఉపయోగిస్తున్నారు. అత్యవసర పరిస్థితులు, చిన్న వ్యాపార లావాదేవీలు వంటి సందర్భాల్లో నగదుకు ఇప్పటికీ ప్రాధాన్యం ఉంది.
