భారత నౌకాదళాన్ని మరింత బలోపేతం చేసే దిశగా కేంద్ర ప్రభుత్వం కీలక నిర్ణయం తీసుకుంది. ఎనిమిది అత్యాధునిక తదుపరి తరం కొర్వెట్ యుద్ధ నౌకల నిర్మాణానికి భద్రతపై కేబినెట్ కమిటీ (సీసీఎస్) ఆమోదం తెలిపింది. ఈ ప్రాజెక్టు విలువ రూ.40 వేల కోట్లకు పైగా ఉంటుందని ప్రభుత్వ వర్గాలు వెల్లడించాయి.
ప్రధానమంత్రి నరేంద్ర మోదీ అధ్యక్షతన జరిగిన సమావేశంలో ఈ నిర్ణయం తీసుకున్నారు. ఈ యుద్ధ నౌకల నిర్మాణ బాధ్యతను కోల్కతాకు చెందిన గార్డెన్ రీచ్ షిప్బిల్డర్స్ అండ్ ఇంజినీర్స్ (జీఆర్ఎస్ఈ), గోవా షిప్యార్డ్ లిమిటెడ్ సంస్థలు చేపట్టనున్నాయి. ఒప్పందాలపై రాబోయే రోజుల్లో సంతకాలు చేసే అవకాశం ఉందని అధికారులు తెలిపారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
2030 నాటికి తొలి నౌక
ఎనిమిది యుద్ధ నౌకల్లో తొలి నౌకను 2030 నాటికి నౌకాదళానికి అందించాలని లక్ష్యంగా పెట్టుకున్నారు. నిర్ణీత గడువు కంటే ముందుగానే నిర్మాణం పూర్తి చేసి నౌకలను అందించేందుకు రెండు షిప్యార్డులు ప్రయత్నిస్తున్నాయి.
