కర్ణాటక రాష్ట్రంలో తీవ్ర వర్షాభావ పరిస్థితుల కారణంగా భారీగా పంట నష్టం, ఆర్థిక నష్టం సంభవించిందని ఉప ముఖ్యమంత్రి జి. పరమేశ్వర తెలిపారు. కరువు ప్రభావంతో రాష్ట్రానికి సుమారు రూ.8,377.62 కోట్ల నష్టం వాటిల్లినట్లు ఆయన పేర్కొన్నారు. ఈ నష్టాన్ని ఎదుర్కొనేందుకు కేంద్ర ప్రభుత్వం నుంచి రూ.722 కోట్ల ఆర్థిక సాయం కోరినట్లు వెల్లడించారు.
రాష్ట్రంలో సాధారణంగా 852 మి.మీ. వర్షపాతం నమోదు కావాల్సి ఉండగా, కేవలం 551 మి.మీ. వర్షం మాత్రమే కురిసింది. దీంతో సాధారణం కంటే 35 శాతం తక్కువ వర్షపాతం నమోదైంది. మొత్తం 226 తాలూకాలను కరువు ప్రభావిత ప్రాంతాలుగా ప్రకటించారు. సుమారు 57.93 లక్షల హెక్టార్లలో పంటలు దెబ్బతిన్నాయి.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
పంట నష్టంతో పాటు తాగునీటి సరఫరా, పశుసంరక్షణ, రైతుల జీవనోపాధి కోసం కేంద్రం నుంచి రూ.22,400.58 కోట్ల సాయం కోరినట్లు పరమేశ్వర వెల్లడించారు. ఇందులో పంట నష్టపరిహారం కోసం రూ.7,943.55 కోట్లు, తాగునీటి అవసరాలకు రూ.1,727 కోట్లు, పశుసంరక్షణకు రూ.583.04 కోట్లు, రైతుల జీవనోపాధి కోసం రూ.12,146.99 కోట్లు కేటాయించాలని కోరారు.
మరోవైపు రాష్ట్ర ప్రభుత్వం అర్హులైన రైతులకు తొలి విడతగా రూ.2,500 చొప్పున తాత్కాలిక పరిహారం పంపిణీ ప్రారంభించింది. మిగిలిన మొత్తాన్ని మూడు వారాల్లో అందిస్తామని తెలిపారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
