రాజంపేటలో జనసేనలోకి భారీగా చేరికలు - వైసీపీకి షాక్

జనసేన అధినేత, రాష్ట్ర ఉప ముఖ్యమంత్రి కొణిదెల పవన్ కళ్యాణ్ ఆశయాలకు, కూటమి ప్రభుత్వం చేపడుతున్న అభివృద్ధి, సంక్షేమ కార్యక్రమాలకు ఆకర్షితులై అనేక మంది జనసేన పార్టీలో చేరుతున్నారని యల్లటూరు శ్రీనివాసరాజు తెలిపారు. రాజంపేట నియోజకవర్గంలో జనసేన పార్టీ రోజురోజుకూ బలోపేతమవుతోందని, పార్టీలోకి వచ్చే ప్రతి ఒక్కరినీ కలుపుకుని ముందుకు వెళ్తామని ఆయన అన్నారు.

రాబోయే స్థానిక సంస్థల ఎన్నికలను దృష్టిలో ఉంచుకుని నాయకులు, కార్యకర్తలు సమన్వయంతో పనిచేయాలని ఆయన పిలుపునిచ్చారు. ముఖ్యంగా రాజంపేట మున్సిపాలిటీ పరిధిలో పార్టీని మరింత బలోపేతం చేస్తూ, ప్రజా సమస్యల పరిష్కారానికి, పట్టణ అభివృద్ధికి నిరంతరం కృషి చేస్తానని ఆయన స్పష్టం చేశారు.

ఈ కార్యక్రమంలో జనసేన నేతలు, జనసైనికులు, కార్యకర్తలు పెద్ద సంఖ్యలో పాల్గొన్నారు.