కామారెడ్డి, జూలై 20
కామారెడ్డి మున్సిపాలిటీ 40వ వార్డు కౌన్సిలర్ సాహెబ్ నాగమణిపై తెలంగాణ మున్సిపల్ చట్టం–2019 ప్రకారం అనర్హత వేటు వేయాలని కోరుతూ బొంబోతుల సుకుమార్ గౌడ్ జిల్లా కలెక్టర్కు వినతిపత్రం అందజేశారు. కౌన్సిలర్ సమావేశాలకు గైర్హాజరు కావడం, వార్డులో పర్యటించకపోవడమే దీనికి కారణమని ఫిర్యాదులో పేర్కొన్నారు.
కామారెడ్డి మున్సిపాలిటీ 40వ వార్డు కౌన్సిలర్ సాహెబ్ నాగమణిపై తెలంగాణ మున్సిపల్ చట్టం–2019 ప్రకారం అనర్హత వేటు వేయాలని కోరుతూ జిల్లా కలెక్టర్కు వినతిపత్రం అందజేశారు. బొంబోతుల సుకుమార్ గౌడ్ ఈ మేరకు ఫిర్యాదు చేశారు.
వినతిపత్రంలో పేర్కొన్న వివరాల ప్రకారం, కౌన్సిలర్ సాహెబ్ నాగమణి ప్రమాణ స్వీకారం చేసిన రోజు నుంచి ఇప్పటి వరకు 40వ వార్డులో ఒక్కసారి కూడా పర్యటించలేదని, ప్రజా సమస్యలను పట్టించుకోలేదని ఆరోపించారు. అంతేకాకుండా మున్సిపాలిటీలో నిర్వహించిన అధికారిక సమావేశాలకు కూడా ఆమె హాజరుకాలేదని పేర్కొన్నారు.
మున్సిపల్ కమిషనర్ అందించిన హాజరు పట్టిక ప్రతులను దరఖాస్తుతో పాటు జతచేసినట్లు తెలిపారు. 2026 మార్చి 11న జరిగిన పరిచయ సమావేశం, మార్చి 28న బడ్జెట్ సమావేశం, ఏప్రిల్ 1న వార్డు సభల సమావేశం, ఏప్రిల్ 20న సాధారణ సమావేశం, మే 7న కో-ఆప్షన్ సమావేశం, జూన్ 5 మరియు జూన్ 11న జరిగిన సాధారణ సమావేశాలకు సాహెబ్ నాగమణి హాజరుకాలేదని ఫిర్యాదులో పేర్కొన్నారు.
