కామారెడ్డిలో ఓటరు నమోదు శిబిరాలు: కలెక్టర్ ఆశిష్ సంగ్వాన్

ఈ సందర్భంగా జిల్లా కలెక్టర్ మాట్లాడుతూ, ముసాయిదా ఓటర్ల జాబితాలో పేరు లేని అర్హులైన పౌరులు ఈ ప్రత్యేక శిబిరాలను సద్వినియోగం చేసుకుని ఓటరుగా నమోదు చేసుకోవాలని సూచించారు. కొత్తగా ఓటు హక్కు పొందేందుకు అర్హత సాధించిన వారు నిర్ణీత నమూనా-6 ద్వారా దరఖాస్తు చేసుకోవాలని తెలిపారు.

ఓటర్ల జాబితాలో పేర్ల నమోదు, సవరణలకు సంబంధించి అందిన అభ్యర్థనలు, అభ్యంతరాలను నిబంధనల ప్రకారం పరిశీలించి, అర్హులైన ప్రతి ఓటరుకు జాబితాలో చోటు కల్పించేలా చర్యలు తీసుకుంటున్నట్లు పేర్కొన్నారు.

ఎన్నికల ప్రక్రియలో అర్హులైన పౌరులందరికీ ఓటు హక్కు కల్పించేందుకు సంబంధిత అధికారులు సమన్వయంతో పనిచేయాలని ఆదేశించారు.

ఈ సమావేశంలో అదనపు కలెక్టర్ (రెవెన్యూ) వి. విక్టర్, ఎన్నికల అధికారి రాజేశ్వర్, గుర్తింపు పొందిన రాజకీయ పార్టీల ప్రతినిధులు, సంబంధిత అధికారులు పాల్గొన్నారు.