వయసు అనేది కేవలం అంకె మాత్రమేనని జింబాబ్వే కెప్టెన్ సికందర్ రజా నిరూపించాడు. 40 ఏళ్ల వయసులోనూ అద్భుతమైన బ్యాటింగ్తో అంతర్జాతీయ టీ20 క్రికెట్లో ప్రపంచ రికార్డు సృష్టించాడు. అఫ్గానిస్థాన్తో జరిగిన రెండో టీ20 మ్యాచ్లో శతకం సాధించి, అంతర్జాతీయ టీ20ల్లో అత్యధిక వయసులో సెంచరీ చేసిన ఆటగాడిగా చరిత్రకెక్కాడు.
షార్జా వేదికగా జరిగిన రెండో టీ20 మ్యాచ్లో సికందర్ రజా అద్భుత ప్రదర్శన చేశాడు. కేవలం 56 బంతుల్లోనే అజేయంగా 106 పరుగులు సాధించాడు. అతడి ఇన్నింగ్స్లో 9 సిక్సర్లు, 5 ఫోర్లు ఉన్నాయి. ఈ మ్యాచ్ ఆడే సమయానికి రజా వయసు 40 సంవత్సరాల 188 రోజులు. దీంతో అంతర్జాతీయ టీ20ల్లో శతకం సాధించిన అత్యంత పెద్ద వయస్కుడిగా నిలిచాడు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
మ్యాచ్ వివరాలు
ఈ మ్యాచ్లో తొలుత బ్యాటింగ్ చేసిన అఫ్గానిస్థాన్ నిర్ణీత 20 ఓవర్లలో 7 వికెట్ల నష్టానికి 221 పరుగులు చేసింది. ఆరంభంలో జింబాబ్వే బౌలర్లు అద్భుతంగా రాణించడంతో అఫ్గానిస్థాన్ 38 పరుగులకే 5 వికెట్లు కోల్పోయింది. అయితే అజ్మతుల్లా ఒమర్జాయ్ అద్భుతంగా బ్యాటింగ్ చేశాడు. కేవలం 50 బంతుల్లో 116 పరుగులు సాధించాడు. అతడి ఇన్నింగ్స్లో 12 సిక్సర్లు, 5 ఫోర్లు ఉన్నాయి. ఇజాజ్ అహ్మద్ అహ్మద్జాయ్ 27 బంతుల్లో 52 పరుగులు చేయడంతో అఫ్గానిస్థాన్ భారీ స్కోరు సాధించింది.
