కామారెడ్డిలో 400 మంది మహిళలతో ఘనంగా కుంకుమార్చన

కామారెడ్డి, 13 October

కామారెడ్డి పట్టణంలోని 17వ వార్డు స్నేహపురి కాలనీలో శ్రీ దుర్గామాత మండపం వద్ద దాదాపు 400 మంది మహిళలు కుంకుమార్చన కార్యక్రమంలో పాల్గొన్నారు. స్నేహపురి కాలనీ ఉత్సవ కమిటీ ఆధ్వర్యంలో ఈ ఆధ్యాత్మిక కార్యక్రమం వైభవంగా జరిగింది.

కామారెడ్డి పట్టణంలోని 17వ వార్డు స్నేహపురి కాలనీ ఉత్సవ కమిటీ ఆధ్వర్యంలో శ్రీ దుర్గామాత మండపం వద్ద దాదాపు 400 మంది మహిళలు కుంకుమార్చన నిర్వహించారు. ఈ ఆధ్యాత్మిక కార్యక్రమంలో మహిళలు పెద్ద సంఖ్యలో పాల్గొని ప్రత్యేక పూజలు చేశారు. ఈ సందర్భంగా మాజీ ఎంపీపీ దశరథ్ రెడ్డి మాట్లాడుతూ, స్నేహపురి కాలనీ ఉత్సవ కమిటీ ప్రతి సంవత్సరం శ్రీదుర్గామాత వద్ద కుంకుమ పూజ, అన్నదానం నిర్వహిస్తుందని తెలిపారు. కుంకుమ పూజల్లో నాలుగు వందల మందికి పైగా మహిళలు పాల్గొన్నారని ఆయన పేర్కొన్నారు. ఈ కార్యక్రమంలో కమిటీ అధ్యక్షులు శ్రీనివాస్ రెడ్డి, నరేందర్ రెడ్డి, సుధాకర్ రెడ్డి, రమేష్, డాక్టర్ లక్ష్మీపతి, విజయ్, సంతోష్ రెడ్డి, కిరణ్ రెడ్డి, మారుతి, శ్రీనివాస్ గౌడ్, బాల్ రాజు, బాబుమీయ్య, వినోద్ తో పాటు కాలనీ మహిళలు పెద్ద సంఖ్యలో పాల్గొన్నారు.