కామారెడ్డిలో చరిత్ర సృష్టించిన రక్తదాన శిబిరం: 435 యూనిట్లు సేకరించిన పోలీసులు

ఈ సందర్భంగా డాక్టర్ బాలు మాట్లాడుతూ, 2007 నుండి రక్తదాన శిబిరాలు నిర్వహిస్తున్నామని, ఇప్పటివరకు కామారెడ్డి జిల్లా కేంద్రంలో ఎప్పుడూ కూడా 435 యూనిట్ల రక్తాన్ని సేకరించడం జరగలేదని తెలిపారు. జిల్లా ఎస్పీ రాజేష్ చంద్ర గారి సహకారం, జిల్లా పోలీసు శాఖ యంత్రాంగం సహకారంతో తలసేమియా బాధిత చిన్నారులకు, ప్రభుత్వ వైద్యశాలలోని రోగులకు రక్తాన్ని సేకరించడం వారి కుటుంబాలకు ఎంతగానో తోడ్పడుతుందని అన్నారు. రక్తం దొరకక ఎంతోమంది తలసేమియా చిన్నారులు ప్రాణాపాయ స్థితిలో ఉన్నారని, వారి ప్రాణాలను కాపాడడం కోసం ఇంత గొప్ప కార్యక్రమాన్ని ఏర్పాటు చేసినందుకు కృతజ్ఞతలు తెలియజేశారు.

ఈ కార్యక్రమంలో హెల్మెట్లు అందజేసిన దాతలకు కృతజ్ఞతలు తెలిపారు. హెచ్ డి ఎఫ్ సి బ్యాంక్ వారి సహకారంతో రక్తదాతలకు పండ్లను పంపిణీ చేయడం జరిగిందని, ఈ శిబిరానికి సహకరించిన కామారెడ్డి జిల్లా రక్తదాతలందరికీ కృతజ్ఞతలు తెలియజేశారు.