అంతర్రాష్ట్ర చైన్ స్నాచింగ్ ముఠా అరెస్ట్: చిత్తూరు జిల్లాలో రూ.9 లక్షల బంగారం స్వాధీనం

ఈ కేసులను ఛేదించడంలో విశేష కృషి చేసిన పోలీసు అధికారులు, సిబ్బందిని జిల్లా ఎస్పీ తుషార్ డూడి, అభినందించి, ప్రజల భద్రత కోసం ఇదే స్ఫూర్తితో మరింత సమర్థవంతంగా పనిచేయాలని సూచించారు.

కేసుల వివరాలు

పెనుమూరు పోలీస్ స్టేషన్ పరిధిలోని మొరవకండ్రిగ, చిన్నరాజుపల్లి ప్రాంతాల్లో ఒంటరిగా వెళుతున్న మహిళలను లక్ష్యంగా చేసుకుని వారి మెడలోని బంగారు గొలుసులను అపహరించిన ఘటనలపై ..44/2026 / 304(2) కింద 11-07-2026 సాయంత్రం సుమారు 07:40 గంటలకు, ..49/2026 / 304(2) కింద 30-07-2026 రాత్రి సుమారు 08:50 గంటలకు, అదేవిధంగా జి.డి. నెల్లూరు మండలం బొమ్మవారిపల్లి గ్రామ సమీపంలో 12-05-2026 సాయంత్రం సుమారు 07:45 గంటలకు మహిళ మెడలోని బంగారు గొలుసును అపహరించిన ఘటనపై .. ..66/2026 / 304(2) కింద కేసులు నమోదు చేసి దర్యాప్తు చేపట్టారు.

దర్యాప్తు బృందాల కృషి

డీఎస్పీ జె. వెంకట నారాయణ పర్యవేక్షణలో, చిత్తూరు రూరల్ ఈస్ట్ సర్కిల్ ఇన్స్పెక్టర్ కె. రామచంద్ర, చిత్తూరు టౌన్ సీఐ సయ్యద్ హషం, పెనుమూరు ఎస్ఐ పి. శ్రీకాంత్, ఎన్.ఆర్.పేట ఎస్ఐ మణికంటేశ్వర రెడ్డి, చిత్తూరు టౌన్ ఎస్ఐ వెంకట సుబ్బయ్య, ఏఎస్ఐ దేవరాజులు రెడ్డి, ఇతర పోలీసు సిబ్బందితో కూడిన ప్రత్యేక బృందాలు సాంకేతిక ఆధారాలు, సీసీటీవీ ఫుటేజీలు, మానవ నిఘా సమాచారాన్ని సేకరించి నిందితుల కోసం విస్తృతంగా గాలింపు చేపట్టారు.

ఈ క్రమంలో, అందిన విశ్వసనీయ సమాచారంతో పెనుమూరు మండలం కొత్త రోడ్డు సమీపంలో ఇద్దరు నిందితులను అరెస్ట్ చేశారు.

విచారణలో నిందితులు మూడు చైన్ స్నాచింగ్ కేసులకు పాల్పడినట్లు వెల్లడైంది. నిందితులు మహిళలను లక్ష్యంగా చేసుకుని నిర్మానుష్య ప్రాంతాలు, గ్రామీణ రహదారులు, తక్కువ రద్దీ ఉన్న ప్రాంతాల్లో చైన్ స్నాచింగ్లకు పాల్పడినట్లు దర్యాప్తులో వెల్లడైందని పోలీసులు తెలిపారు.