అంతర్జాతీయ క్రికెట్ మండలి (ఐసీసీ) విడుదల చేసిన తాజా మహిళల వన్డే ర్యాంకింగ్స్లో ఆస్ట్రేలియా, బంగ్లాదేశ్ ఆటగాళ్లు మెరుగైన స్థానాలు సాధించారు. ఆస్ట్రేలియా బ్యాటర్ ఫోబ్ లిచ్ఫీల్డ్ టాప్-3కి చేరువ కాగా, బంగ్లాదేశ్ ఆటగాళ్లు షోభనా మొస్తరీ, నిగర్ సుల్తానా జోటీ తమ కెరీర్లో చెప్పుకోదగిన పురోగతి సాధించారు.
బంగ్లాదేశ్తో జరిగిన తొలి రెండు వన్డేల్లో ఫోబ్ లిచ్ఫీల్డ్ వరుసగా 77, 70 పరుగులు చేసింది. ఈ ప్రదర్శనతో ఆమె ఖాతాలో 727 రేటింగ్ పాయింట్లు చేరాయి. బ్యాటర్ల జాబితాలో ఐదో స్థానంలో కొనసాగుతున్న ఆమె, మూడో స్థానాన్ని పంచుకుంటున్న బెత్ మూనీ, హేలీ మాథ్యూస్ల కంటే కేవలం నాలుగు పాయింట్ల వెనుక ఉంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఇతర ఆస్ట్రేలియా ఆటగాళ్ల ప్రదర్శన
ఆస్ట్రేలియాకే చెందిన జార్జియా వోల్ రెండో వన్డేలో అజేయంగా 131 పరుగులు చేసి ఎనిమిది స్థానాలు ఎగబాకి 28వ స్థానానికి చేరింది. ఎలీస్ పెర్రీ కూడా రెండు స్థానాలు మెరుగుపరుచుకుని పదో స్థానంలో నిలిచింది.
