భారత వాయుసేన చీఫ్ ఎయిర్ చీఫ్ మార్షల్ ఏపీ సింగ్ అమెరికాకు చెందిన ఎఫ్-35 యుద్ధ విమానంపై చేసిన వ్యాఖ్యలు చర్చనీయాంశంగా మారాయి. భారత్కు ఈ అత్యాధునిక విమానాలను విక్రయించే విషయంపై చర్చలు జరుగుతున్నాయనే వార్తల నేపథ్యంలో, అమెరికా అధికారులు ఆ విమానం దగ్గరకు కూడా భారతీయ సిబ్బందిని రానివ్వడం లేదని ఆయన చమత్కరించారు. అయితే, అమెరికా నుంచి ఎఫ్-35 కొనుగోలుకు సంబంధించి భారత్కు ఎలాంటి అధికారిక ప్రతిపాదన రాలేదని ఆయన స్పష్టం చేశారు.
రాజస్థాన్లోని జోధ్పూర్లో నిర్వహించిన బహుళజాతి వైమానిక విన్యాసం తరంగ్ శక్తి2026 ముగింపు సందర్భంగా జరిగిన మీడియా సమావేశంలో ఈ వ్యాఖ్యలు చేశారు. ఈ సమావేశంలో అమెరికా పసిఫిక్ వైమానిక దళాల కమాండర్ జనరల్ కెవిన్ ష్నైడర్ కూడా పాల్గొన్నారు. ఎఫ్-35 విమానాల కొనుగోలుకు సంబంధించి అమెరికా అధికారికంగా ప్రతిపాదన చేసిందా అని విలేకరులు ప్రశ్నించగా ఏపీ సింగ్ సరదాగా స్పందించారు. ఆయన వ్యాఖ్యలతో సమావేశంలో నవ్వులు విరిశాయి.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఎఫ్-35 విమానాన్ని పరిశీలించే అవకాశం పరిమితం
తరంగ్ శక్తి విన్యాసాల్లో భాగంగా అమెరికాకు చెందిన ఎఫ్-35 స్టెల్త్ యుద్ధ విమానాలు తొలిసారిగా భారత్లో పాల్గొన్నాయి. అయితే, భారత సిబ్బందికి విమానాల కాక్పిట్లోకి వెళ్లే అవకాశం కల్పించలేదని వార్తా కథనాలు పేర్కొన్నాయి. అత్యాధునిక సైనిక సాంకేతికతకు సంబంధించిన వివరాలను రహస్యంగా ఉంచేందుకు అమెరికా భద్రతా నిబంధనలు అమలులో ఉంటాయి.
