రాజంపేటలో ప్రధాని మోదీకి దీపాల నీరాజనం - ఆశీర్వాద్ కా దీయా కార్యక్రమం

భారత ప్రధాన మంత్రి నరేంద్ర మోదీ జన్మదినోత్సవాన్ని పురస్కరించుకుని రాజంపేట నియోజకవర్గంలో ఆశీర్వాద్ కా దీయా కార్యక్రమం ఘనంగా నిర్వహించారు. రాజంపేట పట్టణంలోని టీడీపీ నియోజకవర్గ పార్టీ కార్యాలయం వద్ద నియోజకవర్గ ఇన్చార్జ్ చమర్తి జగన్ మోహన్ రాజు ఆధ్వర్యంలో ఈ కార్యక్రమం జరిగింది.

దేశ ప్రగతి కోసం అహర్నిశలు శ్రమిస్తున్న ప్రధాన మంత్రి మోదీకి గౌరవ సూచికగా, ఆయనకు ఆశీస్సులు, మద్దతు తెలియజేసేందుకు ప్రతి ఒక్కరూ తమ ఇళ్ల వద్ద దీపాలు వెలిగించాలని ఈ సందర్భంగా చమర్తి జగన్ మోహన్ రాజు పిలుపునిచ్చారు.

ప్రధాన మంత్రి మోదీ ప్రజాసేవకు నిదర్శనంగా చేపట్టిన ఈ దీపోత్సవంలో నియోజకవర్గ నాయకులు, కార్యకర్తలు, ప్రజలు పెద్ద సంఖ్యలో ఉత్సాహంగా పాల్గొని శుభాకాంక్షలు తెలిపారు.