రాయచోటిలో దొంగల బీభత్సం: వృద్ధులను భయపెట్టి బంగారం, నగదు దోచుకెళ్లిన ముగ్గురు

జిల్లాలోని రాయచోటి సమీపంలో దొంగలు బీభత్సం సృష్టించారు. సుండుపల్లి మార్గంలోని శనీశ్వర స్వామి ఆలయం వద్ద ఉన్న ఇంట్లోకి చొరబడి, వృద్ధులను భయపెట్టి వారి ఒంటిపై ఉన్న బంగారం, నగదు, సెల్ ఫోన్లను దోచుకెళ్లారు. ఈ ఘటనలో ఇద్దరు వృద్ధులు గాయపడ్డారు.

జిల్లా, రాయచోటి సుండుపల్లి మార్గ మధ్యలో శనీశ్వర స్వామి ఆలయం వద్ద నివాసం ఉంటున్న ఓ ఇంట్లోకి ముగ్గురు దొంగలు చొరబడ్డారు. ఇంట్లో ఉన్న ఇద్దరు వృద్ధురాళ్లను బెదిరించి, వారి ఒంటిపై ఉన్న బంగారం కోసం దొంగలు దాడి చేశారు. వారిని భయభ్రాంతులకు గురిచేసి, ఒంటిపై ఉన్న సుమారు 10 తులాల బంగారాన్ని లాక్కున్నారు. కేవలం బంగారం మాత్రమే కాకుండా, ఇంట్లోని బీరువాలో ఉన్న రూ.15 వేల నగదును, రెండు సెల్ ఫోన్లను కూడా దొంగలు దోచుకెళ్లారు. దొంగల దాడిలో గాయపడిన వృద్ధులను వెంటనే స్థానికులు సమీపంలోని ప్రభుత్వ ఆసుపత్రికి తరలించి చికిత్స అందిస్తున్నారు. ఈ దారుణ ఘటనపై సమాచారం అందుకున్న పోలీసులు వెంటనే సంఘటనా స్థలానికి చేరుకున్నారు. బాధితుల ఫిర్యాదు మేరకు కేసు నమోదు చేసుకుని, దొంగలను పట్టుకునేందుకు గాలింపు చర్యలు ముమ్మరం చేశారు. దొంగలు ఉపయోగించిన మార్గాలపై ఆరా తీస్తూ, సీసీటీవీ ఫుటేజీలను పరిశీలిస్తున్నారు.