రాజంపేట చైర్మన్ పదవి రేసులోలో హామీల హడావుడి - ప్రజల ప్రశ్నలు

ప్రజాసేవ లేక ప్రచారమా

ఇప్పుడు మాత్రం ఒక్కసారిగా కనిపిస్తున్న ఈ హడావుడి నిజమైన ప్రజాసేవనా లేక ఎన్నికల ప్రచారమా అనే చర్చ సాగుతోంది. ప్రజల సమస్యలను పట్టించుకోకుండా ఎన్నికల ముందు మాత్రమే కనిపించే నాయకుల తీరుపై విమర్శలు వెల్లువెత్తుతున్నాయి.

మరోవైపు చైర్మన్ పదవి కోసం ఒకే వర్గంలో పలువురు ఆశావహులు పోటీ పడుతుండటంతో అసలు బీఫామ్ ఎవరి చేతికి వెళ్తుందన్నది ఆసక్తిగా మారింది. పార్టీలో అంతర్గత రాజకీయాలు కూడా ఈ ఎంపికపై ప్రభావం చూపే అవకాశం ఉంది.

అభ్యర్థి ఎంపికపై ఉత్కంఠ

ఏళ్లుగా పార్టీ కోసం పనిచేసిన వారికి అవకాశమిస్తారా కొత్తగా వచ్చిన వారికి ప్రాధాన్యమిస్తారా లేక రాజకీయ సమీకరణాలే కీలకమా ఇదే ఇప్పుడు రాజంపేటలో హాట్ టాపిక్గా మారింది. పార్టీ పెద్దలు ఎవరికి మొండిచేయి చూపిస్తారనేది ఆసక్తికరంగా మారింది.

చివరికి పదవి కోసం ఎవరు ముందుకు వస్తారన్నదానికంటే ప్రజల కోసం ఎవరు నిలబడతారన్నదే అసలు ప్రశ్న. ఎన్నికల హడావుడి ముగిసిన తర్వాత కూడా ప్రజల మధ్య కనిపించే నాయకత్వం ఎవరిదో చూడాలి. కేవలం ఎన్నికల సమయంలోనే కాకుండా నిత్యం ప్రజలకు అందుబాటులో ఉండే నాయకుడికే ప్రజలు పట్టం కట్టాలని భావిస్తున్నారు.

రాజంపేట ప్రజలు మాత్రం హామీలు కాదు సమస్యలకు పరిష్కారం కావాలని కోరుకుంటున్నారు. తాగునీరు, రోడ్లు, డ్రైనేజీ వంటి మౌలిక సదుపాయాలపై దృష్టి సారించాలని వారు ఆశిస్తున్నారు.