లో చెత్త నిర్వహణపై అవగాహన కార్యక్రమం: స్వచ్ఛ రథానికి చెత్త ఇస్తే నిత్యావసర వస్తువులు

మండలం టక్కోలి బీసీ కాలనీలో చెత్త నిర్వహణపై అవగాహన కార్యక్రమం నిర్వహించారు. ముఖ్యమంత్రి చంద్రబాబు నాయుడు ఆదేశాల మేరకు, ఉప ముఖ్యమంత్రి పవన్ కళ్యాణ్ సూచనల మేరకు ఈ కార్యక్రమం జరిగింది. మాజీ సర్పంచ్ లక్ష్మీ దేవి ఆధ్వర్యంలో చెత్త సేకరణ, పరిశుభ్రతపై ప్రజలకు అవగాహన కల్పించారు.

రాజంపేట ఇంచార్జి జగన్ మోహన్ రాజు ఆధ్వర్యంలో జరిగిన ఈ కార్యక్రమంలో, కాలనీవాసులకు చెత్త బుట్టలు, సంచులు పంపిణీ చేశారు. ఇళ్లలో పొడి చెత్త, వాటర్ బాటిళ్లు, ప్లాస్టిక్ కాగితాలు, అట్టపెట్టెలను వేర్వేరుగా సంచులలో నిల్వ ఉంచుకోవాలని సూచించారు.

ప్రతి మూడు రోజులకు ఒకసారి వచ్చే స్వచ్ఛ రథం (చెత్త సేకరణ వాహనం)లో ఈ చెత్తను అందజేస్తే, దానికి ప్రతిఫలంగా నిత్యావసర వస్తువులను అందజేస్తారని తెలిపారు. దీని ద్వారా ప్రజలు తమ పరిసరాలను శుభ్రంగా ఉంచుకోవడంతో పాటు రోగాల బారిన పడకుండా ఉండవచ్చని అవగాహన కల్పించారు.

చెత్తను రోడ్లపై వేయకుండా స్వచ్ఛ రథానికి అందించాలని కోరారు. ఈ కార్యక్రమంలో పార్లమెంట్ ఉపాధ్యక్షులు నాగముని రెడ్డి, మాజీ సర్పంచ్ లక్ష్మీ దేవి, శంకర్, బూత్ కన్వీనర్ చంద్ర ఓబుల్ రెడ్డి, ఆవుల చిన్నయ్య, ధన, ముక్కమ్మల చిన్నయ్యతో పాటు పలువురు స్థానికులు పాల్గొన్నారు.