ఆర్కే కళాశాలలో ఘనంగా నైబర్ హుడ్ యూత్ పార్లమెంట్ - వ్యసన విముక్తిపై విద్యార్థుల చర్చ

అనంతరం నషా ముక్త్ భారత్ అంశంపై స్లోగన్ (నినాదాల) పోటీలను నిర్వహించారు. విద్యార్థులు తమకు నచ్చిన వివిధ భాషల్లో నినాదాలను రాసి, వాటిని ప్రత్యేకంగా ఏర్పాటు చేసిన బాక్సులో వేశారు. ఈ సందర్భంగా వ్యసన విముక్తిపై విద్యార్థులకు అవగాహన కల్పించే పలు వీడియోలను ప్రదర్శించారు. వ్యసనాల బారి నుంచి బయటపడిన తర్వాత (డీ-అడిక్షన్) జీవితం ఎంత అద్భుతంగా ఉంటుందో నిర్వాహకులు విద్యార్థులకు వివరించారు. కార్యక్రమం ముగింపులో విద్యార్థులందరితో నషా ముక్త్ భారత్ అభియాన్ ప్రతిజ్ఞ చేయించారు.

మై భారత్ పోర్టల్ రిజిస్ట్రేషన్ కు పిలుపు

ఈ కార్యక్రమానికి ముఖ్య అతిథిగా హాజరైన ఆర్కే విద్యాసంస్థల సీఈఓ డాక్టర్ యం. జైపాల్ రెడ్డి మాట్లాడుతూ.. విద్యార్థులందరూ మై భారత్ పోర్టల్ ద్వారా రిజిస్ట్రేషన్ చేసుకోవాలని పిలుపునిచ్చారు. చదువుతో పాటు సామాజిక, దేశ సమకాలీన అంశాలపై అవగాహన పెంచుకుని పోటీ ప్రపంచంలో ముందుండాలని ఆకాంక్షించారు. ఈ అవగాహన కేవలం వ్యక్తిగత వికాసానికే కాకుండా, భవిష్యత్తులో కెరీర్కు ఎంతో తోడ్పడుతుందని పేర్కొన్నారు.

యువతతో దేశాభివృద్ధి

వ్యసనాలకు దూరంగా ఉండే యువత ద్వారా దేశంలో ఎన్నో అద్భుతాలు సృష్టించవచ్చని, ప్రభుత్వ ఆదేశాల మేరకు ఈ అవగాహన కార్యక్రమాన్ని నిర్వహించినట్లు ఆయన తెలిపారు. ఈ కార్యక్రమంలో ఆర్కే విద్యాసంస్థల సీఈఓ డాక్టర్ యం.జైపాల్ రెడ్డితో పాటు డీన్ నవీన్, ప్రిన్సిపల్స్ గోవర్ధన్ రెడ్డి, గంగాధర్, ఏఓ శ్రీధర్, వైస్ ప్రిన్సిపల్స్ బాలు, ప్రభాకర్, రవి, ఎన్ఎస్ఎస్ ప్రోగ్రాం ఆఫీసర్లు లింగం, నర్సారెడ్డి, రాజు, కళాశాల అధ్యాపక బృందం మరియు పెద్ద సంఖ్యలో విద్యార్థులు పాల్గొన్నారు.