పోలీస్ అమరవీరుల సంస్మరణ వారోత్సవాలు: తిరుపతి జిల్లాలో వ్యాసరచన పోటీలు

ఈ వ్యాసరచన పోటీలకు ఐదు కీలక అంశాలను ఎంపిక చేశారు. అవి: సర్దార్ వల్లభభాయ్ పటేల్ భారతదేశాన్ని ఐక్యం చేసిన నాయకుడు: నేటి యువత ఆయన నుంచి నేర్చుకోవాల్సిన పాఠాలు. మాదకద్రవ్యాలు కలలను నాశనం చేస్తాయి మాదకద్రవ్య రహిత సమాజాన్ని ఎలా నిర్మించాలి సైబర్ నేరాల నుంచి సైబర్ భద్రత వైపు సాంకేతికత వరమా, ముప్పా సురక్షిత సమాజం నాతోనే ప్రారంభం నేరాల నివారణలో యువ పౌరుల పాత్ర. కృత్రిమ మేధస్సు (), సైబర్ నేరాలు డిజిటల్ సమాజం ఎదుర్కొంటున్న నూతన సవాళ్లు.

ఈ అంశాల ద్వారా దేశ సమగ్రత, మాదకద్రవ్యాల దుష్ప్రభావాలు, సాంకేతిక పరిజ్ఞానాన్ని సురక్షితంగా వినియోగించుకోవాల్సిన అవసరం, సైబర్ నేరాల పట్ల అప్రమత్తత, నేరాల నివారణలో ప్రతి పౌరుడి బాధ్యత వంటి అంశాలపై యువత తమ ఆలోచనలను వ్యక్తపరిచే అవకాశం కల్పిస్తున్నారు.

యువత భాగస్వామ్యం కోసం పిలుపు

యువతలో చట్టాల పట్ల గౌరవం, సామాజిక స్పృహ, బాధ్యతాయుతమైన పౌరసత్వాన్ని పెంపొందించడంతో పాటు, నేరాల నివారణలో ప్రజల భాగస్వామ్యాన్ని ప్రోత్సహించడం ఈ కార్యక్రమం ప్రధాన ఉద్దేశం. మాదకద్రవ్యాల నిర్మూలన, సైబర్ నేరాల నివారణ, సురక్షిత సమాజ నిర్మాణం కోసం పోలీస్ శాఖ చేపడుతున్న అవగాహన కార్యక్రమాల్లో యువత చురుకుగా భాగస్వాములు కావాలని తిరుపతి జిల్లా పోలీసులు పిలుపునిచ్చారు.