స్కౌట్స్లో రాజ్య పురస్కారం అందుకున్న విద్యార్థికి కలెక్టర్ అభినందన

విజయవాడలో ఆంధ్రప్రదేశ్ రాష్ట్ర గవర్నర్ గౌరవ ఎస్. అబ్దుల్ నజీర్ చేతుల మీదుగా రాజ్య పురస్కార ధ్రువపత్రం అందుకున్న మండలం జిల్లా పరిషత్ ఉన్నత పాఠశాలకు చెందిన స్కౌట్ విద్యార్థి ఎం. నరసింహుడు, ఆయనకు మార్గనిర్దేశం చేసిన స్కౌట్ మాస్టర్ వెంకటసుబ్బయ్య సోమవారం జిల్లా కలెక్టర్ను ఆయన ఛాంబర్లో మర్యాదపూర్వకంగా కలిశారు.

ఈ సందర్భంగా కలెక్టర్ విద్యార్థి నరసింహులు, స్కౌట్ మాస్టర్ వెంకటసుబ్బయ్యను అభినందించారు.

చిన్న వయసులోనే క్రమశిక్షణ, సేవాభావం, పట్టుదలతో స్కౌట్స్లో ప్రతిభ చూపి రాజ్య పురస్కారం అందుకోవడం ఎంతో సంతోషకరమన్నారు. విద్యార్థి సాధించిన ఈ విజయం ఇతర విద్యార్థులకు స్ఫూర్తిగా నిలవాలని ఆకాంక్షించారు.

విద్యార్థుల్లో దాగి ఉన్న ప్రతిభను గుర్తించి ప్రోత్సహించాలని, చదువుతో పాటు సేవాభావం, క్రమశిక్షణ, నాయకత్వ లక్షణాలను అలవర్చుకునేలా ఉపాధ్యాయులు కృషి చేయాలని సూచించారు. విద్యార్థి విజయానికి తోడ్పడిన స్కౌట్ మాస్టర్ను కూడా ప్రత్యేకంగా అభినందించారు.

ఈ కార్యక్రమంలో జిల్లా విద్యాశాఖ అధికారి షంషుద్దీన్ పాల్గొన్నారు.