సాగునీటి కోసం ఉపయోగిస్తున్న మోటార్లను తొలగించాలన్న ఆదేశాలపై నిరసనగా ఆదిలాబాద్ జిల్లా కుభీర్ మండలంలోని రైతులు ఆందోళనకు దిగారు. సుద్ద వాగు బ్యాక్వాటర్ ద్వారా పంటలకు నీటిని అందిస్తున్న తమకు ఇబ్బందులు కలిగించవద్దని ప్రభుత్వాన్ని కోరుతూ రహదారిపై బైఠాయించి నిరసన తెలిపారు.
శుక్రవారం కుభీర్ మండలంలోని మాలేగాం, కుంభి, లింగి గ్రామాలకు చెందిన రైతులు రహదారిపై బైఠాయించి తమ నిరసనను వ్యక్తం చేశారు. మాలేగాం గ్రామ సమీపంలోని మొండి బసవన్న వద్ద ఈ ఆందోళన జరిగింది. గ్రామ సర్పంచ్ శేల్కె లక్ష్మీ ఆనంద్, మాజీ సర్పంచ్ కే. రేఖ శంకర్ ఆధ్వర్యంలో సుద్ద వాగు బ్యాక్వాటర్ పరివాహక ప్రాంతానికి చెందిన రైతులు నిరసనలో పాల్గొన్నారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
సాగునీరు అందించి తమ పంటలను కాపాడాలని ప్రభుత్వాన్ని డిమాండ్ చేశారు. రైతులు ఇప్పటికే పంటల సాగు కోసం భారీగా పెట్టుబడులు పెట్టారు. ప్రస్తుతం పంటల ఎదుగుదలకు నీరు అవసరమని, ఈ సమయంలో మోటార్లను తొలగిస్తే సాగునీరు అందక తీవ్రంగా నష్టపోవాల్సి వస్తుందని ఆవేదన వ్యక్తం చేశారు.
