భారతదేశం ప్రకృతి అందాలు, పర్వతాలు, సముద్ర తీరాలు, చారిత్రక కట్టడాలు, పచ్చని లోయలతో పర్యాటకులను విశేషంగా ఆకర్షిస్తుంది. కుటుంబంతో, స్నేహితులతో లేదా ఒంటరిగా విహారయాత్రకు వెళ్లాలనుకునేవారికి ఇక్కడ ఎన్నో అద్భుతమైన ప్రదేశాలు అందుబాటులో ఉన్నాయి. వాటిలో ఆరు ముఖ్యమైనవి ఇక్కడ ఉన్నాయి.
పర్వతాలు, సరస్సులు, మంచుతో కప్పబడిన ప్రకృతి దృశ్యాలకు కాశ్మీర్ పెట్టింది పేరు. దాల్ సరస్సులో షికారా విహారం, గుల్మార్గ్లో మంచు అందాలు, శ్రీనగర్లోని ఉద్యానవనాలు పర్యాటకులకు ఒక ప్రత్యేక అనుభూతిని అందిస్తాయి. మార్చి నుంచి జూన్ వరకు ఇక్కడి ప్రకృతి అందాలను ఆస్వాదించవచ్చు. మంచును చూడాలనుకునేవారు డిసెంబర్ నుంచి ఫిబ్రవరి మధ్య పర్యటించవచ్చు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
కేరళలోని మున్నార్ పచ్చని తేయాకు తోటలు, కొండలు, జలపాతాలు, చల్లని వాతావరణానికి ప్రసిద్ధి చెందింది. ప్రకృతి ఒడిలో ప్రశాంతంగా గడపాలనుకునేవారికి ఇది ఒక మంచి పర్యాటక ప్రదేశం. సెప్టెంబర్ నుంచి మార్చి వరకు సందర్శించడానికి అనుకూలమైన సమయం.
