దీపావళి సందర్భంగా స్టాక్ మార్కెట్లో పెట్టుబడులు పెట్టాలనుకునే వారికి కొన్ని బ్రోకరేజీ సంస్థలు ఆరు కంపెనీల షేర్లను సూచించాయి. విద్యుత్, ఎలక్ట్రికల్ పరికరాలు, వాహన రంగం, రక్షణ, ఎలక్ట్రానిక్స్, ఆరోగ్య సేవలు, ఆతిథ్య రంగాల్లో వృద్ధి అవకాశాలను పరిశీలించి ఈ కంపెనీలను ఎంపిక చేశాయి.
అయితే, అంతర్జాతీయ పరిస్థితులు, పెరుగుతున్న వడ్డీ రేట్లు, ముడిచమురు ధరల నేపథ్యంలో మార్కెట్లలో ఒడిదుడుకులు కొనసాగవచ్చని విశ్లేషకులు హెచ్చరిస్తున్నారు. గత దీపావళి నుంచి భారత స్టాక్ మార్కెట్లు గణనీయమైన దిద్దుబాటుకు గురయ్యాయి. నిఫ్టీ సుమారు 12 శాతం పడిపోగా, సెన్సెక్స్ 10,750 పాయింట్లు నష్టపోయింది. విదేశీ సంస్థాగత పెట్టుబడిదారులు (ఎఫ్ఐఐలు) భారత మార్కెట్ల నుంచి సుమారు రూ.2.8 లక్షల కోట్లను ఉపసంహరించుకున్నారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
అమెరికా, జపాన్, యూరప్ దేశాల్లో బాండ్లపై వడ్డీ రేట్లు పెరగడం వల్ల విదేశీ పెట్టుబడిదారులు భారత మార్కెట్ల నుంచి నిధులను వెనక్కి తీసుకుంటున్నారు. మరోవైపు, ముడిచమురు ధర బ్యారెల్కు 100 డాలర్లకు పైగా ఉండటం కంపెనీల లాభాలపై ప్రభావం చూపుతోంది. అంతర్జాతీయ టెక్నాలజీ కంపెనీల్లో ఏఐ పెట్టుబడులపై ఆందోళనలు కూడా ఐటీ షేర్లపై ఒత్తిడిని పెంచుతున్నాయి.
